2019 ഡിസംബർ 23, തിങ്കളാഴ്‌ച

ഏതു കോഴ്സ് ആണ് തിരഞ്ഞെടുക്കേണ്ടത് ?

ഏതു കോഴ്സ് ആണ് തിരഞ്ഞെടുക്കേണ്ടത് ?
വിദ്യാർത്ഥികൾ പലരും ചോദിക്കുന്ന ചോദ്യമാണ് ഏതു കോഴ്സ് പഠിക്കണം എന്നുള്ളത് . നാം തെരഞ്ഞെടുക്കുന്ന കോഴ്സ് നമ്മുടെ ഭാവിയെ ബാധിക്കും . ജോലിയെ സ്വാധീനിക്കും.വരുമാനം നിർണയിക്കും.സമൂഹത്തിലെ സ്ഥാനം വിലയിരുത്തും . ഇങ്ങനെ ഒട്ടനവധി പ്രധാനപ്പെട്ട ഘടകങ്ങൾ ഇതുമായി ബന്ധപ്പെട്ടു കിടക്കുന്നു . അതുകൊണ്ട് ഒരു കോഴ്സ് തിരഞ്ഞെടുക്കുന്നതിന് മുൻപ് ഈ 5 ചോദ്യങ്ങൾ സ്വയം ചോദിക്കുക.അതിനു വ്യക്തമായ ഉത്തരം കണ്ടെത്തുക . നിങ്ങൾക്ക് തെറ്റ് പറ്റാൻ സാധ്യത കുറവ് ആയിരിക്കും . 

ലോകത്തിലെ 7 മഹാത്ഭുതങ്ങൾ കാണാൻ

ലോകത്തിലെ 7  മഹാത്ഭുതങ്ങൾ  കാണാൻ കൊതിക്കാത്ത ആരും ഉണ്ടാകില്ല . എന്നാൽ എല്ലാ ലോകാത്ഭുതങ്ങളും ഒരിടത്തു കാണാൻ സാധിച്ചാലോ ? അതിനും സാധ്യതയുണ്ട് . ഒരു പക്ഷെ വളരെ അധികം ആളുകൾക്കും  ഇതിനെക്കുറിച്ച് അറിയില്ല . കാരണം ഈ വര്ഷം ആദ്യമായിട്ടാണ് ഇത്തരത്തിൽ ഒരു  സാധ്യത തെളിഞ്ഞത് .

ഡൽഹിയിലെ സരായ് കലെഖനിലാണ് ഈ അപൂർവ്വ കാഴ്ച. എല്ലാ ലോക മഹാത്ഭുതങ്ങളും ഒരു കോമ്പൗണ്ടിൽ മനോഹരമായി പുനരാവിഷ്കരിച്ചിരിക്കുകയാണ് . ഉപയോഗശൂന്യമായ വസ്തുക്കള്കൊണ്ടാണ് ഇവ നിർമ്മിച്ചിരിക്കുന്നത് എന്ന് മാത്രം. ഇത്തരത്തിൽ ഒരു പക്ഷെ ലോകത്തിലെ ആദ്യമായി ഒന്നാണ് വേസ്റ്റ് റ്റു വണ്ടർ എന്ന പേരിൽ അറിയപ്പെടുന്ന ഈ പാർക്ക് . താജ് മഹൽ , ഈഫൽ ടവർ , പിസ്സയിലെ ചെരിഞ്ഞ ഗോപുരം, റോമിലെ കൊളോസിയം , ബ്രസീലിലെ റെഡീമർ പ്രതിമ , സ്റ്റാച്യൂ ഓഫ് ലിബർട്ടി എന്നിവയുടെ രൂപങ്ങൾ മനോഹരമായാണ് ഇവിടെ നിർമ്മിച്ചിരിക്കുന്നത് .

ബധിരനാഥ്‌ കി ദുല്ഹനിയ എന്ന ഹിന്ദി ചിത്രത്തിൽ നിന്ന് പ്രചോദനം
ഉൾക്കൊണ്ടുകൊണ്ടാണ് ഈ പാർക്കിന്റെ നിർമ്മാണം . രാജസ്ഥാനിലെ കോട്ടയിലും സെവൻ വണ്ടേഴ്സ് പാർക്ക് ഉണ്ട് . ഡൽഹിയിലെ വേസ്റ്റ് റ്റു വണ്ടർ പാർക്ക് ഏകദേശം 150 ടൺ പാഴ് ഇരുമ്പുകൾ ഉപയോഗിച്ചാണ് ശില്പങ്ങൾ തീർത്തിരിക്കുന്നത് . പ്രധാനമായും വാഹനങ്ങളുടെ പാർട്സുകളാണ് . ഏകദേശം ഏഴര കോടി രൂപയാണ് പദ്ധതി ചിലവ് . 

മുതിർന്നവർക്ക് 50 രൂപയും കുട്ടികൾക്ക് 25 രൂപയുമാണ് നിരക്ക് . അവധി ദിവസങ്ങളിൽ വലിയ തിരക്കായിരിക്കും . നിരവധി വർണ്ണ ബൾബുകൾ ചേർത്താണ് ഈ പാർക്കിന്റെ നിർമ്മാണം . അതുകൊണ്ട് തന്നെ സായാഹ്നങ്ങളിലാണ് സുന്ദരം. വരുന്നവർ വൈകിട്ട് ആറിന് ശേഷം വരുന്നതാണ് ഉത്തമം . ഫോട്ടോയ്ക്കും സെൽഫിക്കും അത്യഗ്രൻ സാദ്ധ്യതകൾ ഉണ്ട്. വെഡിങ് ഫോട്ടോഗ്രാഫി വിഡിയോ എന്നിവയ്ക്കുള്ള ക്രമീകരണം ഉണ്ട്. വിശാലമായ ഒരു ഗാർഡൻ ഒപ്പം കുഞ്ഞു അരുവി കൂടാതെ കമ്പിയിൽ നിർമ്മിച്ച വിവിധ മൃഗങ്ങളുടെ രൂപം ഇവയും ആകർഷകമാണ് . ധാരാളം ഫുഡ് കോർട്ടും ഉണ്ട്.





ഹസ്രത് നിസാമുദിൻ സരായ് കലെഖാൻ മെട്രോ സ്റ്റേഷനിൽ നിന്ന് നടക്കാൻ ദൂരത്തിലാണ് ഈ പാർക്ക് .


ഡൽഹിയിലെ ലജ്പത് നഗർ മാർക്കറ്റ്


ഡൽഹിയിലെ ലജ്പത് നഗർ മാർക്കറ്റ് ഒരു കാഴ്ച കൂടിയാണ് . വിവിധ രാജ്യങ്ങളിൽ നിന്ന് അഭയാർത്ഥിയായി വന്ന നിരവധിപേർ അവിടെ കാണാം . നല്ല ഒരു ഷോപ്പിംഗ് സെന്റർ കൂടിയാണ് ലജ്പത് നഗർ മാർക്കറ്റ്. ഇന്ത്യ വിഭജന സമയത് നിരവധി ആളുകൾ ഇവിടേക്ക് വന്നു. ബംഗ്ളദേശ് യുദ്ധത്തിൽ രക്ഷപെട്ടു വന്ന നിരവധി പേരും ഉണ്ട്. തികച്ചു സജീവമായ ഒരു മാർക്കറ്റ്. കാഴ്ചകൾ കാണാം


Lajpat Nagar is a residential and commercial neighbourhood of the South Delhi district of Delhi. It is named in honour of Lala Lajpat Rai, also known the Lion of Punjab, and is today most known for the Lajpat Nagar Central Market. Lajpat Nagar was developed in 1950s and most of its early residents were Hindus and Sikhs moving east from newly formed Pakistan following the partition of India in 1947. The colony also housed a refugee camp for Bengali widows, during the Bangladesh Liberation War, known as Kasturba Ashram. In 1960, Servants of the People Society (founded by Lala Lajpat Rai in 1921 in Lahore) after functioning for many years since Partition of India, shifted from the residence of MP Lala Achint Ram to a new building known as Lajpat Bhawan.[3]

In the recent years, Lajpat Nagar has become a preferred residential neighbourhood for tourists and certain refugees from various countries, including Afghanistan, who often travel to New Delhi as medical tourists, owing to the presence of affordable quality health care in the capital. It is common to see individuals from different parts of India, Afghanistan, Pakistan and many African countries in this neighbourhood. he Lajpat Nagar Station of the Delhi Metro has elevated platforms lying on Delhi Metro’s Violet Line and underground platforms on Delhi Metro's Pink Line

lajpat nagar market closed on

lajpat nagar cloth market

lajpat nagar central market direction

lajpat nagar map

lajpat nagar wholesale market

lajpat nagar market nearest metro station

lajpat nagar directions

lajpat nagar market case study

നാർക്കണ്ടയിലെ മഞ്ഞു മലകൾ

നാർക്കണ്ടയിലെ മഞ്ഞു മലകൾ
ഷിംലയിൽ വന്നിട്ട് മഞ്ഞു കാണാതെ പോവുകയോ ? എനിക്ക് തീർച്ചയായും ചിന്തിക്കാനേ വയ്യ. പക്ഷെ ഡിസംബർ പതിയോടെ മാത്രമേ മഞ്ഞു പെയ്യുകയുള്ളൂ . പിന്നെ മണാലി ആണ് . അതാകട്ടെ വളരെ ദൂരവും . എന്നാൽ ഷിംലയിൽ നിന്ന് ഏകദേശം 70 km മാറി ഒരു മഞ്ഞു മലയുണ്ട്.അതിന്റെ പേരാണ് നാർക്കണ്ട ഹിൽസ്.അങ്ങോട്ടേക്കുള്ള യാത്ര തന്നെ രസമാണ് . കുന്നുകളും താഴ്വരകളും ആപ്പിൾ തോട്ടവും എല്ലാം നിറഞ്ഞ ഗ്രീൻ ഫോറെസ്റ്റും പൈൻ മരങ്ങളും . എല്ലാം കൊണ്ടും വളരെ വിശാലമായ കാഴ്ചകൾ തന്നെ. നാർക്കണ്ട മലയിലെ മഞ്ഞു പാളികൾക്കിടയിലൂടെ തണുത്തു വിറച്ച ആ യാത്ര കാണാം .


Narkanda in Shimla district of Himachal Pradesh is at an altitude of 2708 meters on the Hindustan-Tibet Road (NH 22).  within a fir (abies pindrow) forest. It is about 65 km away from Shimla and surrounded by the Himalayan Range.


Narkanda is a skiing resort in winter. It connects Shimla with Rampur and a detour also goes to Thanedhar, the prime apple belt of Himachal Pradesh where Satyananda Stokes started the apple culture.

shimla to narkanda

narkanda temple

narkanda in july

places to visit in narkanda

narkanda temperature

narkanda in june

narkanda weather

narkanda snowfall

2019 ഡിസംബർ 22, ഞായറാഴ്‌ച

ലോകത്തിലെ ഏഴു മഹാത്ഭുതങ്ങൾ കാണാൻ

ലോകത്തിലെ ഏഴു മഹാത്ഭുതങ്ങൾ കാണാൻ കൊതിക്കാത്ത ആരാണ് ഉള്ളത് ? എല്ലാം ഒരു സ്ഥലത്തു കാണാൻ ആയാലോ ? തികച്ചും അതിശയകരം ആയിരിക്കും . എന്നാൽ ഡൽഹിയിൽ അങ്ങനെ കാണാം . സരായ് കലെ ഖാൻ ഡൽഹി . വേസ്റ്റ് റ്റു വണ്ടർ പാർക്ക് . മാലിന്യത്തിൽ നിന്ന് ലോകത്തിലെ ഏഴു അത്ഭുതങ്ങൾ ഒരിടത് ഉണ്ടാക്കിയിരിക്കുകയാണ്


An opportunity to witness 7 world wonders from a single place. The Waste to Wonder Park at Sarai Kalai Khan in New Delhi. An architect marvel in India. A MUST SEE Place in Delhi.

The ‘Waste to Wonder’ theme park – created from scraps. Eiffel Tower replica, Lady Liberty’s replica. The structures are built from 150 tonnes of scrap from the MCD’s scrap yards, which includes automobile parts and metal from rods, iron sheets, nuts and bolt. The park is inspired by Kota’s Seven Wonders Park.
waste of wonder PARK, waste of wonder ticket, waste to wonder park delhi ticket price, waste to wonder park timings

2019 ഡിസംബർ 15, ഞായറാഴ്‌ച

കുഫ്രി കിടുവാണു

കുഫ്രിയോട് യാത്ര പറയുമ്പോൾ കുഫ്രി ഞങ്ങളെ പ്രലോഭിപ്പിക്കുന്നുണ്ടായിരുന്നു.ഇനിയും വരണം എന്ന തോന്നൽ. 


കുഫ്രി ഇല്ലാതെ ഷിംലയില്ല . ടൂറിസ്റ്റ് ആക്ടിവിറ്റിയുടെ കൾമിനേഷൻ ആണ് കുഫ്രി എന്ന് പറഞ്ഞാൽ തെറ്റില്ല . മഞ്ഞു കാലത്തും ചൂടുകാലത്തും ഇപ്പോഴും കുഫ്‌റി സജീവമാണ് . കുഫ്രി താഴ്‌വരയിൽ ഒരിക്കലെങ്കിലും പോയിരിക്കേണ്ടതാണ് .  ആയിരകണക്കിന് കുതിരകളാണ് അവിടെ നമ്മെ കാത്തിരിക്കുന്നത് . മഞ്ഞിലൂടെയും ചെളിയിലൂടെയും പാറക്കെട്ടുകൾക്ക് ഇടയിലൂടെയും നമ്മെ വഹിച്ചു കൊണ്ട് അവർ അനായാസം കുന്നുകൾ കയറും . കുഫ്രിയുടെ അടിവാരത്തിൽ എത്തുമ്പോൾ തന്നെ അഡ്വഞ്ചർ ആക്ടിവിറ്റീസിന്റെ വിവിധ പാക്കേജുകളുമായി  നിരവധി പേര് നമ്മെ സമീപിക്കും.കുതിര സവാരിക്ക് 500 രൂപയാണ് . ഒരു കുന്നിന്റെ മുകളിൽ എത്തിയാൽ തുടർന്ന് ഒരു താഴ്‌വരയിൽ എത്തും.അവിടെയാണ് ടൂറിസ്റ്റ് ആക്ടിവിറ്റികൾ . കുഫ്രി പഞ്ചായത്തിന്റെ കീഴിലാണ് ഈ താഴ്വര.

സാധാരണ കുതിര സവാരി പോലെയല്ല.മുറുക്കി പിടിച്ചിരുന്നില്ലെങ്കിൽ താഴെ കിടക്കും.താഴെ വീണാൽ കുതിരകളുടെ ചവിട്ടും കിട്ടിയേക്കാം. അത്രക്ക് തിങ്ങി ഞെരുങ്ങിയാണ് കുതിരകൾ പോകുന്നത് . പോകുന്ന  വഴി ഒരു ചെങ്കുത്തായ കുന്നാണ് . മുഴുവൻ കല്ലും പാറയും ചെളിയും . അല്ലെങ്കിൽ നിറഞ്ഞ മഞ്ഞു . ഒരു വിധത്തിൽ ഇതൊരു അഡ്വഞ്ചർ ആക്ടിവിറ്റി ആണെന്ന് തന്നെ പറയാം. ഏകദേശം ഒരു മണിക്കൂറിനു അടുത്തായി കാണും ഞങ്ങൾ ആ കുന്നിന്റെ മണ്ടയ്ക്ക് എത്തി . ചാഞ്ഞും ചെരിഞ്ഞും കുലുങ്ങിയുമുള്ള ആ യാത്ര തീർച്ചയായും ത്രില്ലിംഗ് ആണ്.ആളുകൾ ചിലർ കണ്ണടച്ച് ഇരിക്കുന്നു.ചിലർ വീഴുമോ എന്ന് ഭയന്ന് നിലവിളിക്കുന്നത് കാണാം. ചില സ്ഥലങ്ങളിൽ എത്തുമ്പോഴ് കുതിരകൾ എല്ലാം കൂടി കൂട്ടി ഇടി തുടങ്ങും.ഇടുങ്ങിയ ആ കയറ്റത്തിൽ നാം തീർച്ചയായും ഒന്ന് ഭയക്കും .

മൂന്നും നാലും കുതിരകളെ മൂക്കോട് മൂക്ക് ബന്ധിച്ചിരിക്കുകയാണ് .
മുന്നിലത്തെ കുതിര നടക്കുമ്പോൾ പിന്നാലെ എല്ലാം താനെ പോകും. ഇടയ്ക്ക് കുതിരക്കാരന്റെ ചവിട്ടും തൊഴിയും നന്നായി കിട്ടും. ശരിക്കും പാവം തോന്നും. രണ്ടായിരത്തോളം കുതിരകൾ ഉണ്ടത്രേ.ഏതക്കയോ മുതാളിമാരുടേതാണ് ഈ കുതിരകൾ. മൂക്ക് കീറുന്ന വേദന ഉള്ളതുകൊണ്ട് തന്നെ പേടിച്ചാണ് ഇവയുടെ പോക്ക്. നല്ല അനുസരണയും. ഞങ്ങളോടൊപ്പം രണ്ട് സീനിയർ സിറ്റിസൺസ്  ഉണ്ട്. എനിക്ക് വളരെ അത്ഭുതം തോന്നി . ഒരു കൂസലും ഇല്ലാതെയാണ് അവരുടെ യാത്ര.പിന്നീട് എല്ലാ സാഹസിക ആക്ടിവിറ്റികളും അവർ ചെയ്യുക ഉണ്ടായി. ഒരു ഫോട്ടോഗ്രാഫറും കൂടെ ഉണ്ട്. ഏതോ ഉയർന്ന ജോലിയിൽ നിന്ന് വിരമിച്ച ആളാണ് അദ്ദേഹം. യഥാർത്ഥത്തിൽ കുഫ്രിയിൽ വരുമ്പോൾ നമ്മുടെ പ്രായം കുറയും എന്ന് പറയുന്നതിൽ അതിശയോക്തിയില്ല . പോകുന്ന വഴിയിൽ ചില പാസും ടിക്കറ്റും എല്ലാം ഉണ്ട്.

കുന്നുകയറി ഒരു താഴ്വരയിലേക്കാണ് പോയത് . എല്ലാ ആക്ടിവിറ്റികളും നടക്കുന്നത് അവിടെയാണ് . ഒരു വിശാലമായ താഴ്വര. ഫോട്ടോഗ്രഫിയുമായി ബന്ധപ്പെട്ട ആക്ടിവിറ്റികൾ ആണ് പലതും. ആദ്യമായി കണ്ടത് കൂറ്റൻ യാക്കുകളെയാണ് . കണ്ടാൽ പേടി തോന്നും . കൂറ്റൻ കൊമ്പ്, നിറയെ രോമം, വലിയ രൂപം . പക്ഷെ തീർത്തും ശാന്തനാണ് . മൂക്ക് തുളച്ചു ബലമുള്ള കയറുകൊണ്ട് നിയന്ത്രിച്ചിരിക്കുകയാണ് . അതിന്റെ മുകളിൽ കയറാം . ചിത്രം എടുക്കാം. തണുപ്പ് കാലത്തു താഴ്‌വരയിൽ മുഴുവൻ ഐസ് ആയിരിക്കും . അപ്പോൾ ധാരാളം ഐസ് ആക്ടിവിറ്റീസും ഉണ്ടാകും. ഹിമമുയലുകൾ ധാരാളം ഉണ്ട്.അതിനെ എടുത്തുകൊണ്ട് ഫോട്ടോയെടുക്കാം . ധാരാളം വെള്ളം രോമം ഉള്ള എന്നാൽ ഒട്ടും കനമില്ലാത്ത സാധു ജീവി . കണ്ടാൽ തീർച്ചയായും എടുക്കാൻ തോന്നും. ഇതുകൂടാതെ ഷൂട്ടിംഗ് , അമ്പ് എയ്യാൽ എന്നിവയുമുണ്ട് . മുൻപതും അൻപതും മാത്രം ചെലവ് വരുന്ന കാര്യങ്ങൾ ആണിവ .

ഹിമാചൽ പ്രദേശിലെ പരമ്പരാഗത വസ്ത്രങ്ങൾ ധരിച്ചു ഫോട്ടോയെടുക്കാനുള്ള നിരവധി ആളുകൾ നമ്മെ സമീപിക്കും. ധാരാളം ചെറുകടകളും ഭക്ഷണ പുരകളും ഉള്ള ആ താഴ്വര തികച്ചും സജീവമാണ് . ഫോട്ടോ പോയിന്റാണ് മറ്റൊരു ആകർഷണം . അവിടെ നിന്ന് നോക്കിയാൽ ഹിമാലയൻ മല നിരകൾ കാണാം . പല ടെലിസ്കോപ്പുകൾ സ്ഥാപിച്ചിട്ടുണ്ട് . ചൈനയുടെ അതിർത്തിയും ബ്രിട്ടീഷ് രാജാവിന്റെ കോട്ടയും അങ്ങനെ എന്തക്കയോ കാട്ടിത്തരാമെന്നു അവർ പറയുന്നുണ്ട് . 200 രൂപയോളം ഇതിനെല്ലാം വരും.നിരവധി യാത്രികർ ഈ കാഴ്ചകൾ ആസ്വദിക്കുന്നുണ്ട് .

കുഫ്രിയിൽ ആപ്പിൾ തോട്ടവും ഫൺ സിറ്റിയും വളരെ പേരുകേട്ടതാണ് . ആപ്പിൾ ഗാർഡൻ കാണിക്കാമെന്നു പറഞ്ഞു ചിലർ ഞങ്ങളെ സമീപിച്ചു. ഇരുന്നൂറോ നാന്നൂറോ രൂപയാണ് എന്ന് തോന്നുന്നു. ജീപ്പിൽ കൊണ്ട് പോകും ആപ്പിൾ തോട്ടവും, ഫൺ സിറ്റിയും ,ഗ്രാമങ്ങളും കാണാം എന്നാണ് പറയുന്നത്. പോകുന്ന വഴിയിൽ ആപ്പിളും കുങ്കുമവും കളിപ്പാട്ടവും കമ്പിളിയും തൊപ്പിയും  എല്ലാം വിൽക്കുന്ന ആളുകളെ കാണാം. എന്തോ ഒരു കറുത്ത സാധനം സ്വർണ്ണം തൂക്കുന്നതു പോലെ തൂക്കി  വിൽക്കുന്നത് കാണാം . ചോദിച്ചെങ്കിലും എനിക്ക് മനസ്സിലായില്ല. എന്തോ ശർക്കര ആയിരിക്കാം.

അങ്ങനെ പിക്ക് അപ്പ് വാനിൽ ഞങ്ങൾ താഴേക്ക് ഇറങ്ങി.ഒരു അന്പത് മീറ്റർ എത്തി കാണും . ഇറങ്ങിക്കോളാൻ പറഞ്ഞു . ഇതാണ് ആപ്പിൾ തോട്ടം. മറുവശത്തു ഫൺ സിറ്റി . കുറച്ചു അകലെയായി ഒരു ക്ഷേത്രവും ഉണ്ടത്രേ . ടിക്കറ്റ് കാണിച്ചു ആപ്പിൾ തോട്ടത്തിൽ കയറി. ഒറ്റ ആപ്പിൾ ഇല്ല . പല മരങ്ങളും നെറ്റുകൊണ്ട് മൂടിയിരിക്കുകയാണ്  . ആപ്പിൾ സീസൺ അല്ല , പിന്നെ എവിടുന്ന് ആപ്പിൾ കാണാൻ? . പോരെങ്കിൽ ആപ്പിൾ തോട്ടം  കാണിക്കാമെന്നല്ലേ പറഞ്ഞത് . വഴിയിൽ ആപ്പിൾ വിൽക്കുന്നവരെയും കണ്ടു.ആശ്വസം !

ആ തോട്ടത്തിൽ ഏതാനും അഡ്വഞ്ചർ ആക്ടിവിറ്റി ഉണ്ട് . ഏതെങ്കിലും ഒന്ന് ചെയ്യാൻ അവസരം ഉണ്ട്.ഞങ്ങൾ ഒരു സിപ് ലൈനിൽ പോയശേഷം തിരികെ പൊന്നു. അപ്പുറത്തുള്ള ഫൺ സിറ്റിയിൽ നിരവധി പരിപാടികൾ ഉണ്ടത്രേ.അതൊന്നും കാണാൻ നിന്നില്ല. ഞങ്ങൾക്ക് അടുത്ത ലൊക്കേഷനലിലേക്ക് പോകാനുള്ളതുകൊണ്ട് തിടുക്കത്തിൽ നടന്നു. കുതിരക്കാരൻ തയ്യാറായി കഴിഞ്ഞു . ഞങ്ങളോടൊപ്പം ഉള്ള രണ്ട് പേരും ഞങ്ങളെ കാത്ത് നിൽക്കുന്നുണ്ടായിരുന്നു. അവരും തികച്ചും ഹാപ്പി ആണ് എന്ന് മനസ്സിലായി. പക്ഷെ കുതിരകൾ സന്തോഷവാന്മാരാണോ ആണോ ആവൊ? .വെള്ള കുതിരയും കറുത്ത കുതിരയും ഉണ്ട്.വെള്ള കുതിരകളാണ് കേമന്മാർ.ചില കുതിരകളെല്ലാം ഓടിച്ചു പോകുന്നത് കാണാം.തിരിച്ചിറക്കം കുതിരകള്ക്കും ഞങ്ങൾക്കും തികച്ചും ദുസ്സഹമായിരുന്നു. അങ്ങനെ ദുർഘടമായ വഴിയിലൂടെ ഞങ്ങൾ താഴെ പാർക്കിംഗ് പോയിന്റിൽ എത്തി.കേവലം മൂന്നോ നാലോ മണിക്കൂർ മാത്രമാണ് അവിടെ ചെലവിട്ടത് . ഡ്രൈവർ തയ്യാറാണ് .

കുഫ്രിയോട് യാത്ര പറയുമ്പോൾ കുഫ്രി ഞങ്ങളെ പ്രലോഭിപ്പിക്കുന്നുണ്ടായിരുന്നു.ഇനിയും വരണം എന്ന തോന്നൽ. 

2019 ഡിസംബർ 14, ശനിയാഴ്‌ച

ഋഷികേശ് റിവർ റാഫ്റ്റിങ്

ദൈവത്തിന്റെ സ്വന്തം നാടാണ് കേരളം എങ്കിൽ ദൈവങ്ങളുടെ നാടാണ് ഉത്തരാഖണ്ഡ്. ഹിമാചൽ പ്രദേശ് ആകട്ടെ ദൈവത്തിന്റ ഭൂമിയും. ഉത്തരാഖണ്ഡിലെ ഋഷികേശ് ലോകത്തിന്റ യോഗ ക്യാപിറ്റൽ ആണ്, ഇന്ത്യയുടെ റാഫ്റ്റിങ് ക്യാപിറ്റലും. ചുരുങ്ങിയത് മൂന്നു ദിവസത്തെ കാഴ്ചകൾ ഉണ്ട് ഉത്തരാഖണ്ഡിൽ. കുരങ്ങ്,  കഴുത,  പശു, പട്ടി, സന്യാസിമാർ ഇവരാണ് തെരുവുകൾ കീഴടക്കിയിരിക്കുന്നത്.

ലക്ഷ്മൺ ജൂല,  രാം ജൂല, പർമർത് നികേതൻ, ബെറ്റീൽസ് ആശ്രമം, ത്രിവേണി ഘട്ട് ഇവയാണ് പ്രധാന കേന്ദ്രങ്ങൾ. എന്നാൽ റിവർ റാഫ്റ്റിംഗും ബഞ്ചി ജമ്പിങ്മാണ് ആവേശകരമായ അനുഭവം. പുണ്യഭൂമിയായി കരുതുന്ന ഋഷികേശിൽ എത്തുന്നവരിൽ നല്ല ഭാഗവും ഭക്തന്മാരാണെന്ന് പറയാം. ഉത്തരാഖണ്ഡിൽ നിന്ന് ഉത്ഭവിക്കുന്ന ഗംഗാ നദിയാണ് സുപ്രധാന കാഴ്ച. അവിടെ ഗംഗാ മതായാണ്. ഋഷികേശിന്റെ   ജീവനാഡിയും ആത്മാവും ആണ് ഗംഗാ മാ.

പുലർച്ചെ തന്നെ ഞാൻ ലക്ഷ്മൺ ജൂലയിൽ എത്തി. ഗംഗാ നദി കുറുകെ കടക്കാൻ ഒരു സസ്പെന്ഷന് ബ്രിഡ്ജ്. പണ്ട് ലക്ഷമണൻ ഗംഗാ നദി മുറിച് കടന്ന സ്ഥലം ആണത്രേ ഇത് . കുറച്ചു താഴെയാണ് രാം ജൂല. ഇതേപോലെ ഒരു ബ്രിഡ്ജ് തന്നെയാണ്. രാവണനെ വധിച്ച ശേഷം ശ്രീരാമൻ പ്രാശ്ചിത്തം കഴിച്ച സ്ഥലം ആണിത് എന്ന് പറയപ്പെടുന്നു. ലക്ഷമൺ ജൂല പാലം ഒരിക്കൽ വെള്ളപ്പൊക്കത്തിൽ ഒലിച്ചു പോയിട്ടുണ്ട്.

രാവിലെ തന്നെ ഗംഗാ തീരത്ത് നിന്ന് മണലും കല്ലുമായി പോകുന്ന നൂറു കണക്കിന്  കഴുതകൾ ആണ് ഞങ്ങളെ എതിരേറ്റത്. പതിയെ ഞങ്ങൾ ഗംഗാ തീരത്തേക്ക് നടന്നു നീങ്ങി . ചില താപസന്മാരെപ്പോലെ തോന്നിപ്പിക്കുന്ന ആളുകൾ എന്തെല്ലാമോ പൂജകൾ ചെയ്യുന്നുണ്ട്. അതിരാവിലെ തന്നെ ഗംഗയുടെ തണുത്തുറഞ്ഞ ജലത്തിൽ സ്നാനം ചെയ്യുന്ന സ്ത്രീകൾ. ഇതിനിടയിൽ ഒരു കുരങ്ങൻ മറ്റൊരു കുരങ്ങനെ അടിച്ചു അവശനാക്കി ഇട്ടിരിക്കുന്ന കാഴ്ചയും. മരിച്ചു എന്നാണ് എനിക്ക് തിന്നിയത്.  കഴുതകളെ മേയ്ക്കുന്നവർ വന്നു അതിനു വെള്ളം കൊടുത്തും മറ്റും ഒരു വിധത്തിൽ കുറെ കഴിഞ്ഞപ്പോൾ അതിനെ നടക്കുമാറാക്കി. അക്രമകാരിയായ കുരങ്ങനെ അവർ ആട്ടിപ്പായിച്ചു അതിനെ സംരക്ഷിക്കാനും ശ്രമിച്ചു.

ആദ്യം റിവർ റാഫ്റ്റിങ് ചെയ്യാം എന്ന ഒരു തീരുമാനത്തിൽ എത്തി . ഒരാൾക്കു ആയിരം രൂപ  വരെ വരും. 10-15 km ഉള്ള റാഫ്റ്റിങ് ആണ്.  വിവിധ റാപിഡ്‌സുകൾ. എന്നോടപ്പം ലോക്കി എന്ന പേരുള്ള ഒരു ഓസ്ട്രേലിയക്കാരൻ ഉണ്ട്.  ഇന്ത്യ കറക്കം ആണ് അയാളുടെ ലക്ഷ്യം. ക്രിക്കറ്റ് താരം സച്ചിനെ വല്യ ഇഷ്ടം ആണ്. കേരളത്തിലേക്ക് ഉണ്ടോ എന്ന് ചോദിച്ചപ്പോൾ ഇപ്പോൾ ഇല്ല, തന്റെ ഗേൾ ഫ്രണ്ട് വന്നിട്ടുണ്ട് എന്നായിരുന്നു മറുപടി. ഋഷികേശിൽ നിന്ന് 10-15 km ജീപ്പിൽ പോയാലാണ് സ്റ്റാർട്ടിങ് പോയിന്റിൽ എത്തുക. ലൈഫ് ജാക്കറ്റ്, പങ്കായം എല്ലാം ഞങ്ങൾക്ക് കിട്ടി. അവർ ആ വലിയ ബോട്ടിൽ കാറ്റ് അടിച്ചു നിറക്കുകയാണ്. പിന്നീട് അതും ചുമന്നുകൊണ്ട് താഴെ നദിയിലേക്ക്. കയ്യിലോ പോക്കറ്റിലോ ഒന്നും വേണ്ട. എല്ലാം ഞാൻ സൂക്ഷിച്ചുകൊള്ളാം . അല്ലെങ്കിൽ വെള്ളത്തിൽ എല്ലാം നഷ്ടമാകും. ഗൈഡ് പറഞ്ഞു. പേഴ്‌സ്, വാച്ച്, ഫോൺ, പൈസ എല്ലാം കൊടുത്തു. ഭദ്രമായി ഒരു സഞ്ചിയിൽ അയാൾ വച്ചു. ബോട്ട് നീങ്ങി തുടങ്ങി. അഡ്‌വെന്ററിന്റെ ലെവലുകൾ സാധാരണ 6 ആണ്. 4 എണ്ണം നമുക്ക് പോകാം. 5, 6 മികച്ച പരിശീലനം ഉള്ളവർക്ക് മാത്രം. തുടക്കത്തിലേ തന്നെ പണി പാളി എന്ന് തോന്നിപ്പോയി.


പാറക്കെട്ടുകൾക്കിടയിലൂടെ പൊങ്ങിയും താണും മുങ്ങിയും പൊങ്ങിയും ചാഞ്ഞും ചെരിഞ്ഞും. വയറിൽ തീ ആളി. ഇടയ്ക്ക് കണ്ണുകൾ അടച്ചു. ചിലപ്പോൾ ഒരു തിരമാല പോലെ വെള്ളം ബോട്ടിലേക്ക്. വശങ്ങളിൽ ഇരിക്കുന്ന ഞങ്ങൾ ഇപ്പോൾ വീഴും എന്ന് തോന്നിപ്പോകും. വീട്ടുകാരെക്കുറിച്ച തീർച്ചയായും ഓർക്കും. ഇതിനു മുൻപ് ഇവിടെ  പലരും അപകടത്തിൽ മരിച്ചിട്ടുണ്ട്. എന്റെ സുഹൃത്തിനു ഹണി മൂൺ ട്രിപ്പിൽ ഭർത്താവിനെ നഷ്ട്ടപ്പെട്ടത് ഇവിടെ വച്ചാണ്. കർത്താവെ കാത്തോളിൻ മനസ്സിൽ പ്രാർത്ഥിച്ചു.

ഞങ്ങളുടെ ബോട്ടിൽ 8 പേര് ഉണ്ട്. ഒരാൾ ക്യാപ്റ്റൻ. മറ്റയാൾ സഹായി. ക്യാപ്റ്റൻ അപാര കക്ഷി ആണ്. ഇത്രയും പ്രോസ്ത്സാഹനം നൽകാൻ ഇവർക്ക് എങ്ങനെ ആകുന്നു. ഇഗ്ലീഷിലും ഹിന്ദിയിലും വ്യക്തവും കൃത്യവും സമയോചിതവുമായ വിവരണങ്ങൾ. അയാളുടെ കഴിവ് അംഗീകരിക്കേണ്ടത് തന്നെ. ആദ്യ റാപിഡ് കഴിഞ്ഞതോടെ ഏതാണ്ട് കിടപ്പ് പിടികിട്ടി. പിന്നെ എനിക്ക് പേടി തോന്നിയില്ല. പക്ഷെ കൂടെ ഉണ്ടായിരുന്ന ഒരു സ്ത്രീ വല്ലാതെ നിലവിളിക്കുന്നുണ്ടായിരുന്നു. ശരിക്കും ചില സമയത്ത് നാം വീഴും എന്ന് തന്നെ തോന്നിപ്പോകും. ആ കുതിച്ചൊഴുകുന്ന വെള്ളത്തിൽ പാറക്കെട്ടിൽ വെല്ലോം വീണാൽ തല പൊട്ടി തകർന്നത് തന്നെ. ഞാൻ ധൈര്യം സംഭരിച്ചു തുഴഞ്ഞു.

ഇടയ്ക്ക് ആഴം ഉള്ള ഒരു സ്ഥലത്ത് എത്തിയപ്പോൾ ഞങ്ങളോട് ചാടിക്കോളാൻ പറഞ്ഞു. അമ്മോ ! പേടിച്ചിട്ട് മേല, നീന്താൻ ശരിക്കും അറിയാമോ? വല്ല മുതലയോ മറ്റോ? ഒഴുകി പോകുമോ? തണുത്ത മരക്കുമോ? രണ്ടു കല്പിച്ചു ഒറ്റ ചാട്ടം. സൂപ്പർ !അതി ഗംഭീരം. പുണ്യനദിയായ ഗംഗയിൽ സ്നാനം ചെയ്തതിന്റെ സംതൃപ്തി. വീരകൃത്യം ചെയ്ത പ്രതീതി. അങ്ങകലെ ഹിമവാന്റെ തുറിച്ചു നോട്ടം. ഹിമാലയത്തിന്റെ മടിത്തട്ടിലെ ഗംഗയുടെ ആദ്യപാതങ്ങളിലാണല്ലോ എന്ന ആശ്വസത്തോടെ മുങ്ങി. തീർച്ചയായും ശുദ്ധ ജലം ആയിരിക്കണം. എന്നാൽ താഴേക്ക് മാലിന്യ കൂമ്പാരം ആണെന്ന് വായിച്ചിട്ടുണ്ട്.

ബോട്ട് വിവിധ റാപിഡുകൾ പിന്നിട്ടു നീങ്ങുകയാണ്. ഓരോന്നിനും പല പേരുകളാണ്. ബട്ടർഫ്‌ളൈ, ഡബിൾ ട്രബിൾ, ബ്ലാക്ക് മണി, റിട്ടേൺ ടു സെന്റെർ. ഏതോ സിനിമ പേരും ഗെയിം പേരുമെല്ലാം ആണ്. ഒരു സായിപ്പ് ഇട്ടണാതത്രെ. പേരുകൾ പോലെ തന്നെയാണ് അനുഭവവും...

അതാ.. അവിടെ ഒരു കൂറ്റൻ പാറക്കെട്ട്. മുകളിൽ ആളുകൾ നിൽക്കുന്നത് കാണാം.  ക്ലിഫ് ജമ്പ് ആണത്രേ. ശ്രമിക്കുന്നോ?  ക്യാപ്റ്റൻ ചോദിച്ചു. ആദ്യം മനസ്സിലായില്ലെങ്കിലും സമ്മതിച്ചു.
അങ്ങനെ ആ പാറക്കെട്ടിന്റെ മുകളിൽ കയറി. താഴേക്ക് നോക്കിയപ്പോൾ താഴെ നിന്ന് മുകളിലേക്ക് ഒരു ആന്തൽ. ചാടിയാൽ തിരിച്ചു കയറാൻ പറ്റുമോ?മുങ്ങിയാൽ പിന്നെ പൊങ്ങുമോ? താഴേക്ക് ചാടുന്നവർ ഒരു അലമുറയോടെയാണ് പോകുന്നത്. നോക്കി നിന്നാൽ പുറകിൽ നിൽക്കുന്നവർ തളളി ഇടുമെന്നു ഉറപ്പാണ്. അത് അപകടം ആണ് താനും. ഒരു ശ്വാസം എടുത്ത് താഴേക്ക് ചാടി. ശൂ.... വെള്ളത്തിൽ മുങ്ങി പൊങ്ങി. എക്കും പൂക്കും തിരിയും ! നേരെ ബോട്ടിലേക്ക് നീന്തി അടുത്തു. ഒരു മീനിനെ വലിച്ചിടുന്നത് പോലെ അവന്മാർ എന്നെ ബോട്ടിനുള്ളിലേക്ക് വലിച്ചിട്ടു. അപാരം തന്നെ. ക്ലിഫ് ജമ്പ് എന്തായാലും ഒഴിവാക്കരുത്. ജീവിതത്തിൽ എന്നും ഓർത്തിരിക്കാൻ ചില സാഹസങ്ങൾ.

ഞങ്ങളുടെ ബോട്ട് അവസാന റാപിഡ്‌കൾ അടുക്കുകയാണ്. ഫോട്ടോയും വിഡിയോയും എടുക്കാൻ ക്യാപ്റ്റനോട് പറഞ്ഞിരുന്നു. ആയിരം രൂപയാണ് നിരക്ക്. അതുകൊണ്ട് തന്നെ ഞങ്ങളുടെ ഫോട്ടോ എടുക്കാൻ അയാൾ ശ്രദ്ധിക്കുന്നുമുണ്ട്. ഇതിനിടയിൽ ഒരു ബോട്ട് മറിഞ്ഞു. ആളുകൾ നാലു പാടും ഒഴുകുകയാണ്. കൂട്ട നിലവിളി. പങ്കായങ്ങൾ എല്ലാം പലവഴി. ആളുകൾ നിലവിളിച്ചുകൊണ്ട് വേറെ വഴി. ഒരു നിമിഷം എല്ലാവരിലും ഭീതി പരന്നു. ബോട്ടുകൾക്ക് മുന്നിലായി ഒരാൾ കയാക്ക് പോലെ /ഒരാൾക്ക് മാത്രം ഇരിക്കാവുന്ന ഒരു ബോട്ടിൽ പോകുന്നുണ്ട്. സേഫ്റ്റിക്ക് വേണ്ടിയാണ്. അയാൾ വളരെ വേഗത്തിൽ എല്ലാവരെയും രക്ഷിക്കാൻ പായുകയാണ്. സമീപത്തുണ്ടായിരുന്ന എല്ലാ ബോട്ടുകളും കയർ ഇട്ടു നൽകി ആളുകളെ രക്ഷിക്കാൻ ശ്രമിക്കുണ്ടായിരുന്നു. മറിഞ്ഞ ബോട്ട് നിവർത്താനാണ്‌ പാട്. അടിയിൽ പെട്ടാൽ അപകടമാണ്. അതുകൊണ്ട് തന്നെ വശങ്ങളിലേക്ക് ചെരിഞ്ഞു ഇരിക്കാൻ അവർ പറയും. ഒരു വിധത്തിൽ എല്ലാവരെയും ബോട്ടിൽ കയറ്റി. ജീവൻ തിരിച്ചു കിട്ടിയതിന്റെ ആശ്വാസവും മരണത്തെ നേരിൽ കണ്ട നിമിഷങ്ങളുടെ ഭീതിയും ചിലരുടെ കണ്ണുകളിൽ ഞാൻ കണ്ടു.

 എല്ലാവരോടും നന്ദി പറഞ്ഞു റാഫ്റ്റിങ് അവസാന റൈഡും പൂർത്തിയാക്കി. നേരെ ഹോട്ടലിലേക്ക് വിട്ടു. ഇനി ഒരു പരിപാടിയും ഇന്നില്ല. ഇതിൽപ്പരം ത്രില്ലിംഗ് എക്സ്പീരിയൻസ് ഇനി ആസ്വദിക്കാനില്ല തന്നെ . അതിനാൽ ഇനി ഇന്ന് മറ്റു കാഴ്ചകൾക്ക് പ്രസക്തി ഇല്ലാ എന്ന് തോന്നി. മാത്രമല്ല നല്ല ക്ഷീണവും.

ഇനി പട്ന വാട്ടർ ഫാൾ, നീർഘ വാട്ടർഫാൾ, ബീറ്റിൽസ് ആശ്രമം, ഗംഗാർത്ഥി, പർമർത് നികേതൻ, ത്രിവേണി ഘട്ട്, കുഞ്ഞാപ്പൂരി ടെംപിൾ, ബഞ്ചി ജമ്പിങ് എല്ലാം ഉണ്ട്. എല്ലാം വീഡിയോ ആക്കിയിട്ടുണ്. എന്നാലും എഴുതാൻ ഇഷ്ടമാണ്. നിങ്ങൾക്ക് ഇഷ്ടമായാൽ ഇനിയും എഴുതാം. നന്ദി.