2020 മാർച്ച് 30, തിങ്കളാഴ്‌ച

ദില്ലിയിലെ നല്ല ശമര്യക്കാർ

വിശക്കുന്നവനു ആഹാരവും രോഗിക്ക് വൈദ്യനും മനസ്സ് തകർന്നവർക്ക് ആശ്വസവും ആണ് ദൈവം. കോവിഡ് വ്യാപനത്തെ തുടർന്ന് ഉണ്ടായ ലോക് ഡൗണിൽ പട്ടിണി മരണം ഭയന്ന് നിലവിളിക്കുന്നവർക്ക് സഹായം നൽകി മാതൃകയാവുകയാണ്  ഡൽഹി സെയിന്റ് പീറ്റേഴ്സ് യാക്കോബായ കത്തീഡ്രൽ പ്രവർത്തകർ. വൈറസ് ഭീതിയെ വകവയ്ക്കാതെ ദിവസവും അഞ്ഞൂറിൽപരം ആളുകൾക്കാണ് പ്രവർത്തകർ ഭക്ഷണം പാകം ചെയ്ത് വിളമ്പുന്നത് .


വികാരി ഷിജു ജോർജ് , ബിനു മാത്യു എന്നിവരുടെ നേതൃത്വത്തിൽ ആണ് സന്നദ്ധ പ്രവർത്തനങ്ങൾ ഏകോപിപ്പിക്കുന്നത്. ഡൽഹിയിൽ സമീപ കാലത്തു ഉണ്ടായ ആക്രമണങ്ങളുടെ പശ്ചാത്തലത്തിലും പ്രവർത്തകർ വിവിധ സേവനങ്ങൾ എത്തിച്ചിരുന്നു. രാജ്യവ്യാപകമായി അടച്ചിടലിനെത്തുടർന്ന് ലക്ഷകണക്കിന് ആളുകളാണ് ദില്ലിയുടെ വിവിധ ഭാഗത്തു അകപ്പെട്ടു പോയത്. ഉപജീവനമാർഗ്ഗം നഷ്ട്ടപ്പെട്ട അന്യസംസ്ഥാനക്കാർ പട്ടിണി മരണം ഭയന്ന് സ്വന്തം വീട്ടിൽ എത്താൻ പലായനം തുടരുകയാണ്. ഭീതി ഒഴിവാക്കാൻ സർക്കാർ സംവിധാനങ്ങൾ പരമാവധി ശ്രമിക്കുന്നുണ്ട്.

ലോക് ഡൌൺ അവസാനിക്കുന്നത് വരെ ഭക്ഷണ വിതരണം തുടരാനാണ് ആലോചന. ഇപ്പോൾ പള്ളിയോടു ചേർന്ന് പ്രവർത്തിക്കുന്ന കമ്മ്യൂണിറ്റി കിച്ചൻ വഴിയാണ് ഭക്ഷണം വിതരണം ചെയ്യുന്നത്.  ദിവസവും പള്ളിയോടു ചേർന്നുള്ള സ്ഥലത്തു ആവശ്യക്കാർക്കായി ഭക്ഷണം നൽകുന്നുമുണ്ട് . ആവശ്യക്കാരന്റെ മുന്നിൽ അഭയമായി എത്തുന്ന നല്ല ശമര്യക്കാരാനാണ് ദൈവം. നിരവധി സഹായ മനസ്കരായവരുടെ സഹകരണത്തോടെയാണ്  സേവന പ്രവർത്തനങ്ങൾ സംഘടിപ്പിക്കുന്നത്. ഒരു നേരത്തെ ഭക്ഷണത്തിനു ആറായിരത്തിൽ അധികം തുകയാണ് ചിലവ്‌ . ഫാ. ഷിജു ജോർജ് പറയുന്നു. ജസ്റ്റിസ് കുരിയൻ ജോസഫ്, അൽഫോൻസ് കണ്ണന്താനം തുടങ്ങിയവരുടെ മാർഗ്ഗനിർദ്ദേശത്തിൽ പ്രവർത്തിക്കുന്ന ഡൽഹി ഡിസ്ട്രെസ്സ് മാനേജ്‌മന്റ്
കളക്റ്റീവിന്റെ  ശ്കതമായ ഇടപെടലുകളാണ് ഇത്തരം വിവിധ സന്നദ്ധ  പ്രവർത്തനങ്ങളുടെ ഊർജ്ജം.
സഹകരിക്കാൻ താല്പര്യം ഉള്ളവർക്ക് പ്രവർത്തകരുമായി ബന്ധപ്പെടാവുന്നതാണ്. ഫാ. ഷിജു 8527649020, 8527649020

2020 മാർച്ച് 11, ബുധനാഴ്‌ച

കൊറോണ തടയുക

കൊറോണ ഒരു ചെറിയ മീനല്ല! പൊതുജനങ്ങൾ അറിയേണ്ട പ്രധാനപ്പെട്ട കാര്യങ്ങൾ.
〰️〰️🔹〰️〰️🔹〰️〰️🔹〰️〰️
ഡോ . രാജീവ് ജയദേവൻ
പ്രെസിഡൻറ് IMA കൊച്ചി
10.3.20

വെറും മൂന്നു മാസം മുൻപ്  ചൈനയിൽ ഏതോ ഒരു വ്യക്തിയിൽ പ്രവേശിച്ച ഈ വൈറസ്, ഇന്ന് ലോകത്തെമ്പാടും പരന്ന് അനേകായിരം മരണങ്ങൾക്കിടയാക്കിക്കഴിഞ്ഞു, സമ്പദ്‌വ്യവസ്ഥയെ തകിടം മറിച്ചു, പ്രതീക്ഷിച്ചതു പോലെ ഇതാ കേരളത്തിലും എത്തിക്കഴിഞ്ഞു. വെറും ജലദോഷമാണ്, ഉടൻ മാറും, നമ്മൾ സ്‌ട്രോങ്ങല്ലേ , നിപ്പയെ തുരത്തിയില്ലേ എന്നൊക്കെ പറഞ്ഞു നിസ്സാരവൽക്കരിക്കാൻ വരട്ടെ.

ഇന്ന്, ഇപ്പോൾ നാം ഓരോരുത്തരും ഇതിനായി എന്തു ചെയ്യുന്നു, ചെയ്യുന്നില്ല എന്നതനുസരിച്ചിരിക്കും വരും മാസങ്ങളിൽ എന്തു നടക്കാൻ പോകുന്നു, പോകുന്നില്ല എന്നുള്ളത്.

വളരെ ഗൗരവമേറിയ വിഷയമാണ്.    രാജ്യം ഇന്നു വരെ നേരിടാത്ത  ഒരു അടിയന്തിര സാഹചര്യമാണ്, സംശയമില്ല. നിർദ്ദേശങ്ങൾ പാലിക്കാത്ത ഒന്നോ രണ്ടോ വ്യക്തികളുടെ മണ്ടത്തരം (stupidity) പോലും രാജ്യത്തിനു ഭീഷണി ആയേക്കാവുന്ന അവസ്ഥയാണിത്.

ഈ ഘട്ടത്തിൽ വേണ്ടത് വീമ്പും അഭ്യൂഹവുമല്ല , മറിച്ച് ശാസ്ത്രീയമായ അറിവും സാമാന്യബുദ്ധിയുമാണ്.

കൃത്യതയോടെയുള്ള ഈ വിവരങ്ങൾ എല്ലാവരിലേക്കും എത്തിക്കുക.

🟩 വിദേശത്തു നിന്നും നമ്മുടെ ബന്ധുക്കളോ സുഹൃത്തുക്കളോ വരാനിടയായാൽ ശ്രദ്ധിക്കേണ്ട രണ്ടു കാര്യങ്ങൾ:

1. COVID ബാധിത രാജ്യങ്ങളിൽ നിന്നും വന്നവരുമായി നേരിട്ടുള്ള  സമ്പർക്കം 28 ദിവസത്തേക്ക് ഒഴിവാക്കുക. എത്ര അടുപ്പമുള്ളവരായാലും ഒരു കാര്യം ഓർക്കുക: എല്ലാ രാജ്യങ്ങളിലും ഈ വൈറസ് പടർന്നു പിടിച്ചത്, പുറമെ നിന്നും വിമാനത്തിലും കപ്പലിലും വന്നവരിൽ നിന്നുമാണ്.  ഇറ്റലിയിൽ നിന്നും ചൈനയിൽ നിന്നും ധാരാളം മലയാളികൾ കേരളത്തിൽ എത്താറുണ്ട്.

ഈ വൈറസിന്റെ വ്യാപന ശേഷി (R-0) കൂടുതലാണ്. R-0 എന്നാൽ ഒരാളിൽ നിന്നും എത്ര പേർക്ക് രോഗം പകരുന്നു എന്നതാണ്. ഒന്നിൽ കൂടുതലായാൽ സമൂഹത്തിൽ അതിവേഗം പടർന്നു പിടിക്കും. COVID ന്റേത് 2 മുതൽ 4 വരയത്രേ. എന്നു വച്ചാൽ ഒരാളിൽ നിന്ന് രണ്ടു പേർക്ക്, അവരിൽ നിന്നും നാലു പേർക്ക്, ആ നാലു പേരിൽ നിന്നും എട്ടു പേർ, പിന്നെ പതിനാറു പേർ, പിന്നെ 32, 64, 128 അങ്ങിനെ അതിവേഗം സമൂഹത്തിലേക്ക് വൈറസ് വ്യാപിക്കുന്നതാണ് ചൈന , ജപ്പാൻ, ഇറാൻ, ഇറ്റലി ഇവിടങ്ങളിൽ കാണാൻ കഴിഞ്ഞത്.

ഇവരിൽ ചിലർ 'സൂപ്പർ spreaders' ആണെന്ന് പറയപ്പെടുന്നു, ഒരാൾ തന്നെ അനേകം പേർക്ക് അണുബാധ വരുത്തുന്ന അവസ്ഥയാണിത്. കാരണങ്ങൾ വ്യക്തമല്ല.

സമൂഹത്തിൽ  നൈസർഗികമായ പ്രതിരോധത്തിൻറെ (immunity) അഭാവം ഈ വൈറസിനെ ഏറെ അപകടകാരിയാക്കുന്നു. കാരണം, കൊറോണാ family യിൽ പുതിയ അംഗമായി എത്തിയ ഈ COVID19 ആർക്കും ഇതിനു മുൻപു വന്നിട്ടില്ല എന്നതു തന്നെ.

ചുരുക്കിപ്പറഞ്ഞാൽ, ആദ്യത്തെ കേസ് "index case" മാത്രമുള്ള സ്റ്റേജിൽ പിടിച്ചു കെട്ടാനായാൽ രക്ഷപെട്ടു, ഇല്ലെങ്കിൽ പ്രയാസമാണ്.  ലോകമെമ്പാടുമുള്ള  അനുഭവം ഇതു സാക്ഷ്യപ്പെടുത്തുന്നു.

🔴ഒരുദാഹരണം പറയാം. ചുവന്ന മഷിയുടെ ഒരു തുള്ളി ഒരു ഗ്ലാസ് വെള്ളത്തിൽ വീഴുന്നതു പോലെയാണ് COVID 19 പുതുതായി ഒരു ദേശത്ത് എത്തിച്ചേരുന്നത്.

ആദ്യം ഒറ്റ തുള്ളിയായിരിക്കും (index കേസ്). അതിനെ തക്ക സമയത്തു കണ്ടെത്തി മാറ്റി നിർത്തിയാൽ വെള്ളം മുഴുവൻ ചുകപ്പാകാതെ രക്ഷപ്പെടാം. നാമിപ്പോൾ കേരളത്തിൽ കാണുന്ന അവസ്ഥ, ആ മഷിത്തുള്ളി വെള്ളത്തിലേക്ക് പതിക്കാൻ പോകുന്ന, നിർണായകമായ ആ നിമിഷം ആണ്. ഈ ഘട്ടത്തിൽ തടഞ്ഞു നിർത്താനായാൽ നാം വിജയിച്ചു.

ഇപ്പോൾ തടയാനായില്ലെങ്കിൽ പിന്നെ, index case സ്റ്റേജ് എന്നത്‌ community spread സ്റ്റേജിലേക്കു പോകുന്നു. അതായത് ഗ്ലാസിലെ  വെള്ളം മൊത്തം ചുകപ്പായ അവസ്ഥ. അങ്ങനെ സംഭവിച്ചാൽ, വികസിത രാജ്യങ്ങളെ അപേക്ഷിച്ച് പരിമിതികൾ ഏറെയുള്ള നമ്മുടെ ആരോഗ്യമേഖലയ്ക്ക് ഒരു പക്ഷേ കാര്യമായൊന്നും ചെയ്യാൻ സാധിച്ചെന്നു വരില്ല.

2. COVID ബാധിത രാജ്യങ്ങളിൽ നിന്നും അടുത്ത ദിവസങ്ങളിൽ നാട്ടിൽ വന്നവർ സമൂഹത്തിൽ ചുറ്റിത്തിരിഞ്ഞു നടക്കുന്നത് ശ്രദ്ധയിൽ പെട്ടാൽ ഉടൻ തന്നെ ആരോഗ്യ വകുപ്പിനെ വിവരം അറിയിക്കണം.

ഇവർക്കു നൽകപ്പെട്ടിട്ടുള്ള പ്രത്യേക മാനദണ്ഡങ്ങൾ കർശനമായി ഇവർ പാലിക്കേണ്ടവരാണ്, അല്ലാതെ അവരവർക്ക് തോന്നിയതു പോലെ അലഞ്ഞു നടക്കുകയില്ല വേണ്ടത്‌.
ഇവരിൽ ഒരാളിൽ നിന്നും അനേകായിരം ആൾക്കാർക്ക് വൈറസ് പകരാം എന്നത് പാവം ഇറ്റലിയുടെ ദുരനുഭവം നമ്മെ പഠിപ്പിക്കുന്നു.

മറ്റുള്ളവരുടെ അനുഭവങ്ങളിൽ നിന്നും പഠിക്കുന്നതാണല്ലോ  സ്വയം അപകടത്തിൽ ചാടുന്നതിലും നല്ലത്. ഇന്നു നമ്മൾ സൂക്ഷിച്ചാൽ ഇറ്റലിയുടേതു പോലെയുള്ള ദുരവസ്ഥ നമുക്ക് ഒരു പക്ഷെ ഒഴിവാക്കാൻ സാധിച്ചേക്കും.

COVID-19-ൻറെ case fatality rate ആയ 3.5% അല്പം കുറവല്ലേ എന്നു ചിലർക്ക് തോന്നാമെങ്കിലും, (നൂറു പേർക്കു രോഗം വന്നാൽ എത്ര പേർ മരണപ്പെടും എന്ന കണക്ക്) പിടി വിട്ടു പോയാൽ മൂന്നേകാൽ കോടി ജനങ്ങൾ തിങ്ങിപ്പാർക്കുന്ന കൊച്ചു കേരളത്തിൽ മാത്രം എത്ര ജീവൻ ഈ വൈറസ് അപഹരിച്ചേക്കാം എന്ന് ഊഹിക്കാവുന്നതേയുള്ളൂ.

മാത്രവുമല്ല, പ്രായം ചെന്നവരിൽ മരണ സാധ്യത 15% വരെ ഏറുന്നു, അതായത് ആറു പേരിൽ ഒരാൾ മരണപ്പെടാം. പ്രമേഹരോഗികളിലും, ശ്വാസകോശരോഗമുള്ളവരിലും ഹൃദ്രോഗമുള്ളവരിലും മരണസാധ്യതയേറുന്നു.

🟩 പൊതുജനങ്ങൾ ഈ ഘട്ടത്തിൽ കണിശമായും ചെയ്യേണ്ട കാര്യങ്ങൾ:

1. ഓരോരുത്തരും, ഒഴിവാക്കാവുന്ന പൊതു ചടങ്ങുകൾ ഒഴിവാക്കുക. തിരക്കുള്ള എല്ലാ സ്ഥലത്തു നിന്നും വിട്ടു നിൽക്കുക.

2. ഹസ്‌തദാനം ഒഴിവാക്കുക; പനി സീസണിൽ ഷേക്ക് ഹാൻഡ് കൊടുക്കുന്നത് മറ്റൊരാളുടെ വിരലുകളിൽ പറ്റിയിരിക്കുന്ന രോഗാണുക്കൾ നമ്മുടെ കയ്യിൽ വന്നെത്താനുള്ള എളുപ്പ മാർഗമായാണ് വൈദ്യശാസ്ത്രം കാണുന്നത്.

3. പൊതുസ്ഥലങ്ങളിൽ പോകുന്നവർ കൈകൾ ഇടയ്ക്കിടയ്ക്ക് കഴുകാൻ ശ്രദ്ധിക്കണം. ഇരുപതു സെക്കണ്ടെങ്കിലും എടുത്തു വേണം കഴുകാൻ. യാത്ര, ജോലി എന്നിവയ്ക്കിടയിൽ Alcohol based ആയിട്ടുള്ള hand sanitisers ഉപയോഗിക്കാവുന്നതാണ്. നിരന്തരം നാം സ്പർശിക്കുന്ന മൊബൈൽ ഫോൺ ഇടയ്ക്കിടയ്ക്ക് വൃത്തിയാക്കാനും മറക്കരുത്.

4. വിരലുകൾ കൊണ്ട് മുഖത്ത് ഇടയ്ക്കിടയ്ക്ക് സ്‌പർശിക്കാതിരിക്കുക.

5. അനേകം പേർ പിടിക്കാനിടയുള്ള ഡോർ ഹാൻഡിലുകളിലും ഗോവണിപ്പടിയുടെ റൈലിങ്ങുകളിലും പൊതു സ്ഥലത്തുള്ള ടാപ്പുകളിലും മറ്റും കഴിവതും  സ്‌പർശിക്കാതിരിക്കുക

6. ചുമ, തുമ്മൽ മുതലായവ ഉള്ളവരിൽ നിന്നും പരമാവധി (മൂന്നടിയെങ്കിലും) അകലം പാലിക്കുക. അഥവാ പനി ചുമ ജലദോഷം എന്നിവ പിടിപെട്ടാൽ വീട്ടിൽ ഒതുങ്ങിക്കഴിയുക. പനി മാറി രണ്ടു ദിവസം കഴിയാതെ സ്‌കൂളിലോ ജോലിസ്ഥലത്തോ പൊതുസ്ഥലത്തോ പോകരുത്.

7. തുമ്മുമ്പോഴും ചുമയ്ക്കുമ്പോഴും കൈമുട്ടു മടക്കി അതിലേക്കു തുമ്മുക, നമ്മുടെ ഉള്ളിലെ സ്രവങ്ങൾ മറ്റുള്ളവരുടെ ദേഹത്തോ നമ്മുടെ വിരലുകളിലോ പറ്റിയിരിക്കാതിരിക്കാൻ ഇതുപകരിക്കും. ഏതു വൈറൽ പനി വന്നാലും പാലിക്കേണ്ട ശീലങ്ങളാണിവ.

8. രോഗലക്ഷണങ്ങൾ ഇല്ലാത്ത പൊതുജനങ്ങൾ mask ധരിക്കുന്നതു കൊണ്ട് യാതൊരു ഗുണവുമില്ല. മാത്രമല്ല , മാസ്ക് ഇടയ്ക്കിടകയ്ക്ക് അഡ്‌ജസ്‌റ് ചെയ്യുന്നതു മൂലം കൂടുതൽ തവണ മുഖത്തും  മറ്റും വിരലുകൾ സ്‌പർശിക്കാനിടയാകും, അതു വൈറസ് കയറാനുള്ള റിസ്‌ക് കൂട്ടുകയും ചെയ്യും.

9. എന്നാൽ, സാധാരണ പനി ജലദോഷം ചുമ ഉള്ളവർ പൊതുസ്ഥലത്തു പോകാൻ ഇടയായാൽ  സാധാരണ സർജിക്കൽ മാസ്ക് ധരിക്കുന്നത് മറ്റുള്ളവർക്ക് ഒരു സുരക്ഷയാണ്. രോഗിയുടെ droplets മറ്റുള്ളവർ ശ്വസിക്കാതിരിക്കാൻ ഉപകരിക്കും. ഇതിന്റെ നിറമുള്ള ഭാഗം പുറത്തു കാണത്തക്ക രീതിയിലാണ് ധരിക്കേണ്ടത്. Reuse ചെയ്യാൻ പാടുള്ളതല്ല.

10. COVID ബാധിത രോഗികളെ ശുശ്രൂഷിക്കുന്നവർ N 95 mask ധരിക്കേണ്ടതാണ്, PPE personal protective equipment -ൻറെ കൂടെ. നിർദ്ദേശങ്ങൾ ആരോഗ്യവകുപ്പ് നൽകുന്നതാണ്. ഈ മാസ്‌ക്കുകളുടെ പ്രത്യേകത, അടുത്തു നിൽക്കുന്ന രോഗി ചുമയ്ക്കുമ്പോഴും മറ്റും പുറപ്പെടുവിക്കുന്ന droplets അഥവാ കണങ്ങൾ ഉള്ളിൽ കടത്തി വിടുകയില്ല എന്നതാണ്.

🟩 വിദേശത്തു നിന്നും വന്നവർ ശ്രദ്ധിക്കേണ്ട കാര്യങ്ങൾ

1. COVID ബാധിത രാജ്യങ്ങളിൽ നിന്നും വന്നവർ കൃത്യമായി യാത്രാ വിവരം എയർപോർട്ട് സ്‌ക്രീനിങ്ങിലും പിന്നീട് ആരോഗ്യ പ്രവർത്തകരെ കാണുമ്പോഴും വെളിപ്പെടുത്തുക. നിർദ്ദേശങ്ങൾ കർശനമായും പാലിക്കുക. രോഗ ലക്ഷണങ്ങൾ ഇല്ലെങ്കിലും നിർബന്ധമായും 28 ദിവസം വീട്ടിനുള്ളിൽ ഒതുങ്ങിക്കഴിയുക. ഇതിന് home quarantine എന്നു പറയും. ഇവർ വീട്ടിലെ   കുടുംബാംഗങ്ങളുമായി ഇടപഴകുമ്പോൾ  കുറഞ്ഞത് മൂന്നടി  അകലം  പാലിക്കാൻ ശ്രദ്ധിക്കണം. ഈ കാലയളവിൽ വീട്ടിൽ പൊതു പരിപാടികൾ സംഘടിപ്പിക്കുകയോ അത്തരം പരിപാടികളിൽ പെങ്കടുക്കുകയോ  ചെയ്യരുത്. വീട്ടിൽ എത്തിയ വിവരം ജില്ലാ  കണ്ട്രോൾ  റൂമിൽ അറിയിക്കണം.

മാത്രവുമല്ല, ഒരു മുൻകരുതലായി ഈ വീടുകളിൽ താമസിക്കുന്ന കുട്ടികൾ 28 ദിവസത്തേക്ക് സ്‌കൂളിൽ പോകരുത് എന്ന് ആരോഗ്യ വകുപ്പ് അറിയിച്ചിട്ടുണ്ട്.

3.COVID ബാധിത രാജ്യങ്ങളിൽ നിന്നും രോഗ ലക്ഷണങ്ങളോടെ വന്നവർക്ക് എയർപോർട്ടിൽ നിന്നും ഉടൻ തന്നെ ആംബുലൻസിൽ മെഡിക്കൽ കോളേജിലേക്ക് പോകാൻ നിർദ്ദേശങ്ങളുണ്ട്. പരിശോധനയ്ക്കു ശേഷം അഡ്മിറ്റ് ചെയ്യുകയോ സ്വന്തം വീട്ടിൽ 28 ദിവസത്തെ നിർബന്ധിത നിരീക്ഷണത്തിനു (home quarantine) വിടുകയോ ചെയ്യും. ടെസ്റ്റിംഗ് ഫലം ആലപ്പുഴ വൈറോളജി ഇന്സ്ടിട്യൂട്ടിൽ നിന്നും അടുത്ത ദിവസം തന്നെ ലഭിക്കും.

4. COVID രോഗിയുമായി സമ്പർക്കം വരാനിടയായ വ്യക്തികൾക്ക് 28 ദിവസത്തെ home quarantine വേണ്ടതാണ്.

5. COVID ബാധിത രാജ്യങ്ങളിൽ നിന്നും നല്ല ആരോഗ്യത്തോടെ, രോഗ ലക്ഷണങ്ങളില്ലാതെ നാട്ടിൽ വന്നവരിൽ പിന്നീട് രോഗ ലക്ഷണങ്ങൾ (പനി, ചുമ, ശ്വാസം മുട്ട്) പ്രത്യക്ഷപ്പെട്ടാൽ ഉടൻ തന്നെ ആരോഗ്യവകുപ്പിനെ വിവരം അറിയിക്കുക, നിർദ്ദേശങ്ങൾ അക്ഷരംപ്രതി പാലിക്കുക.

വൈറസ് ബാധയുള്ളവരാണെങ്കിൽ സാധാരണ ഗതിയിൽ യാത്ര ചെയ്തത് 14 ദിവസത്തിനുള്ളിൽ ലക്ഷണങ്ങൾ കണ്ടു തുടങ്ങും, എങ്കിലും 28 ദിവസം വരെ ജാഗ്രത വേണ്ടതാണ്.

മേല്പറഞ്ഞ രോഗ ലക്ഷണങ്ങൾ വന്നാൽ പ്രൈവറ്റ് ക്ലിനിക്കുകളിൽ ചെന്ന് സമയം കളയരുത്, ആരോഗ്യ വകുപ്പിൻറെ നിർദ്ദേശപ്രകാരം സജ്ജീകരിച്ചിട്ടുള്ള ആശുപത്രികളിലാണ് പോകേണ്ടത്. അല്ലാതെ പല സ്ഥലങ്ങളിൽ അലഞ്ഞു തിരിഞ്ഞാൽ പിന്നീട് track ചെയ്യേണ്ട contacts - ൻറെ  പട്ടിക ഏറെ നീണ്ടതാകും , പിടിച്ചാൽ കിട്ടാത്തയത്രയും ദൂരം വൈറസ് വ്യാപിക്കാനും ഇടയാകും.

ഈ നിർദ്ദേശങ്ങൾ ഉണ്ടാക്കിയത്, തങ്ങളേക്കാൾ ഏറെ അറിവും വൈദഗ്‌ധ്യവും ഉള്ളവരാണെന്നു മറക്കരുത്. അവനവൻറെ സൗകര്യത്തിനു വളച്ചൊടിക്കാനുള്ളതല്ല ഈ നിർദ്ദേശങ്ങൾ. രാജ്യത്തിൻറെ സുരക്ഷയാണ് ഇവിടെ വിഷയം എന്ന് ഓർമ വേണം.

പുതിയ വിവരങ്ങൾ ലഭിക്കുന്നതനുസരിച്ച് വിദേശയാത്ര ചെയ്യുന്നവർക്കുള്ള നിർദ്ദേശങ്ങൾ മാറാനിടയുണ്ട് എന്നോർക്കുക.

🟩 COVID ബാധിത രാജ്യങ്ങളിൽ നിന്നും വരാത്തവർ, അത്തരം വ്യക്തികളുമായി യാതൊരു സമ്പർക്കവും ഇല്ലാത്തവർ ഈ അവസരത്തിൽ ആശങ്കപ്പെടേണ്ടതില്ല. എല്ലാ വർഷവും പനിയും ജലദോഷവും വരുന്ന പോലെ ഈ വർഷവും വന്നു പോകും. ശ്വാസം മുട്ട് , നിർത്താതെയുള്ള ചുമ ഇവ ഉണ്ടെങ്കിൽ മാത്രം ഡോക്ടറുടെ പക്കൽ  പോകുക.

🟩 Please note:

1.  UNICEF മുതലായ പേരുകൾ ചേർത്തുള്ള വ്യാജ സന്ദേശങ്ങൾ നിരാകരിക്കുക, ഫോർവേഡ് ചെയ്യാതിരിക്കുക.

2. DHS (Kerala Directorate of Health Services) CDC, WHO  വെബ്‌സൈറ്റിൽ എല്ലാ വിവരങ്ങളും ലഭ്യമാണ്.

3. COVID19 ന് മരുന്നോ വാക്‌സിനോ പ്രതിരോധമോ ഇന്നേ വരെ കണ്ടെത്തിയിട്ടില്ല, അഥവാ കണ്ടെത്തിയാൽ ആരോഗ്യവകുപ്പ് അന്നേ ദിവസം ജനങ്ങളെ അറിയിച്ചിരിക്കും. ഇല്ലാത്ത ചികിത്സയെ പറ്റി അഭ്യൂഹങ്ങൾ പരത്തുന്നത് വലിയ തെറ്റാണ് എന്ന് എടുത്തു പറയേണ്ടതില്ലല്ലോ.

🟩 അതിവേഗം പ്രചരിക്കുന്ന വ്യാജവാർത്തകൾ ഒരു പ്രശ്നം തന്നെ. വാസ്തവം ഇപ്രകാരം:

1. വെളുത്തുള്ളി, രസം, മദ്യം എന്നിവ ഫലപ്രദമല്ല

2. തൊണ്ട നനച്ചു കൊണ്ടിരുന്നാൽ യാതൊരു ഗുണവുമില്ല

3. ചൂടു കാലാവസ്ഥയുള്ള സ്ഥലങ്ങളിൽ വൈറസ് വരില്ല എന്നുള്ളത് വ്യാജ പ്രചാരണമാണ്. COVID 19 ധാരാളം കണ്ടു വരുന്ന  സിങ്കപ്പൂർ മലേഷ്യ ഇവിടങ്ങൾ  കേരളത്തേക്കാൾ ചൂടുള്ള സ്ഥലങ്ങൾ ആണ് എന്നോർക്കുക

4. 'പ്രതിരോധം കൂട്ടാൻ' ഒരു മരുന്നും ഇന്നേ വരെ ശാസ്ത്രം കണ്ടെത്തിയിട്ടില്ല, അവകാശവാദങ്ങൾ അനവധിയുണ്ടെങ്കിലും.

5. ചൈനയിൽ നിന്നുമുള്ള പാക്കേജുകൾ കൈപ്പറ്റുന്നത് വൈറസ് ബാധ ഉണ്ടാക്കുന്നതായി കണ്ടെത്തിയിട്ടില്ല. 

6. ആന്റിബയോട്ടിക്കുകൾ കൊറോണയ്ക്ക് ഫലപ്രദമല്ല

🟩 ചില പ്രധാനപ്പെട്ട നമ്പറുകൾ:

Ernakulam District monitoring cell COVID19 04842368802
Ernakulam DMO Dr NK Kuttappan   9496545066
Ernakulam DSO Dr Sreedevi 9447811295
EKM Nodal Officer Dr A. Fathahudeen 98472 78924
DISHA helpline 1056 അല്ലെങ്കിൽ 0471 2552056

2020 ജനുവരി 17, വെള്ളിയാഴ്‌ച

മരടിലെ ആഹ്ലാദം

ആഘോഷമായി മരട് ഫ്ലാറ്റ് സമുച്ചയം പൊളിച്ചു. പൊളിക്കാൻ ചിലവാക്കുന്നത് രണ്ട് കോടിയോളം അവശിഷ്ടം നീക്കാൻ അന്പതു ലക്ഷം. മുന്നൂറോളം താമസക്കാർക്ക് നഷ്ട പരിഹാരം അന്പതു ലക്ഷം വീതം. ഇത് കൂടാതെ പഠന ചിലവ്, വഴിക്കാശ്, ഭക്ഷണം, ഭരണ ചിലവുകൾ. എല്ലാ തുകയും ഫ്ലാറ്റ് നിർമ്മാതാക്കൾ വഹിക്കണം അത്രേ? വഹിച്ചോ? ആർക്കറിയാം !
പാലാരിവട്ടം പാലത്തിന്റെയും അവസ്ഥ ഇത് തന്നെ. ചിലവ് അന്പതു കോടി. പൊളിക്കാൻ ചിലവ് . നിരവധി പഠനങ്ങൾ. ഇനി വീണ്ടും പണിയാനും ചിലവ്. ഇങ്ങനെ എത്ര പണിയലുകൾ, പൊളിക്കലുകൾ, നഷ്ടപരിഹാരങ്ങൾ ! പൊതു മേഖല സ്ഥാപനങ്ങൾ എല്ലാം തന്നെ നഷ്ടത്തിൽ. KSRTC 1500 കോടി നഷ്ടം. ഇതിന്റെ കാരണങ്ങൾ എല്ലാവർക്കും അറിയാം എന്നത് കൊണ്ട് വിവരിക്കുന്നില്ല. ഓരോ ദിവസവും നഷ്ടം കൂടുന്ന കണക്കുകൾ. എന്നാൽ എല്ലാം ചിലവാക്കുന്നത് പൊതു ഖജനാവിൽ നിന്ന്. എന്നുവച്ചാൽ പൊതുജനങ്ങളുടെ പണം. നിയമങ്ങൾ നടപ്പിലാക്കാൻ നിയോഗിക്കപ്പെട്ടവർ ചെയ്യാതിരിക്കുന്നതിനു,  നന്നാക്കാൻ നിയമിച്ചവർ നശിപ്പിക്കുന്നതിന്... പാവം ജനങ്ങൾ വില കൊടുക്കണം. തെറ്റ് ചെയ്യുന്നവരെ മാതൃകപരമായി ശിഷിക്കേണ്ടത് അല്ലെ? കണ്ണടച്ചു ഇരുട്ടാക്കാൻ വിധിക്കപ്പെട്ടവർ ആണ് നാം.

മരട് ഫ്ലാറ്റ് പൊളിച്ചതിൽ ആരും വിതുമ്പണ്ടെ?

മരട് ഫ്ലാറ്റ് പൊളിച്ചതിൽ ആരും വിതുമ്പണ്ടെ?

അവസാനം കോടതി വരെ വിതുമ്പി. ഏറെ വേദനാജനകം എന്ന് ! ഒപ്പം അഴിമതിക്കാരെ പിടിക്കുന്ന കാര്യം പിന്നെ നോക്കാമെന്നും. അപ്പോൾ ഒരു മന്ത്രി തട്ടിവിട്ടു. "ഇതിൽ ആരും വിതുമ്പണ്ട" എന്ന്. എന്തിനു വിതുമ്പണം? നഷ്ടം ഒന്നും ഇല്ലല്ലോ. ചിലപ്പോൾ ലാഭവും ഉണ്ടായിരിക്കും. ഇതിനു ആരാണ് ഉത്തരവാദി എന്ന് ചോദിച്ചപ്പോൾ അറിയില്ല എന്നാണ് തദ്ദേശ സ്വയം ഭരണ വകുപ്പ് മന്ത്രി നിയമസഭയിൽ  പറഞ്ഞത് അത്രേ. എന്നാണ് നിർമ്മിച്ചത് എന്നും ആരാണ് അനുമതി നൽകിയത് എന്നും അറിയില്ല. അനുമതി നൽകിയ സമയത്ത് ആരാണ് ആ തദ്ദേശ സ്ഥാപനം ഭരിച്ചിരുന്നത് എന്നു പോലും അറിയില്ല. ശരിയാണ് തികച്ചും ശരിയാണ്. അറിയും എന്ന്  പറഞ്ഞാൽ നിയമ വിരുദ്ധം ആവില്ലലോ. എന്നാൽ അറിഞ്ഞില്ല എന്ന് പറഞ്ഞാൽ രജിസ്റ്റർ ചെയ്തതും ടാക്സ് മേടിച്ചതും എന്തിനാണ് എന്ന് ചോദിച്ചാലോ? ബാങ്ക് വയ്പ അനുവദിച്ചതോ? തെറ്റ് ചെയ്തവരെ ശിക്ഷിക്കേണ്ട വന്നാലോ? അല്ല അത് വല്ല വേണ്ടപ്പെട്ടവരും ആയാൽ പൊല്ലാപ്പ് അല്ലെ. എന്തായാലും തലസ്ഥാനത്തു നിന്നാലും കാണാവുന്ന ഫ്ലാറ്റ് ഇനി ആരും കണ്ടില്ല എന്ന് പറയില്ലല്ലോ.

ഒരു ഫ്ലാറ്റ് ഉടമയും വിതുമ്പിയതായി കണ്ടില്ല. വല്യ ഭാഗ്യം. അവർക്ക് ഇല്ലാത്ത വിതുമ്പൽ നമുക്ക് എന്തിനാ അല്ലെ. ഇനി അവർ വല്ലോ നികുതി വെട്ടിപ്പ് നടത്തിയിട്ടുണ്ടോ ? എന്തായാലും എല്ലാവരും അങ്ങനെ ചെയ്യുമോ?     ഫ്ളാറ്റിന്മേൽ ഉള്ള 200 കോടി ബാങ്ക് വായ്പാ കിട്ടാക്കടം ആയി എഴുതി തള്ളുമോ ആവോ? വിവരങ്ങൾ പരിശോധിച്ച് വരികയാണ് എന്നാണ് സർക്കാർ വാദം. എന്തായാലും ഇതൊന്നും എന്നെ ബാധിക്കുന്നില്ല എന്ന് ചിന്തിക്കുന്നവർ ഒന്നു ഓർക്കുക വെള്ളപ്പൊക്കത്തിൽ നിരവധി വീടുകൾ തകർന്നടിഞ്ഞപ്പോൾ ഫ്ലാറ്റിലുള്ളവർ സുരക്ഷിതർ ആണ് എന്ന് കരുതി. എന്നാൽ അതും വീണു. മറ്റുള്ളവരെ ബാധിക്കുന്ന വിഷയം എന്നെയും ബാധിക്കും എന്നതാണ് ശരിയായ രാഷ്ട്രീയം.

രാഷ്ട്രീയമില്ലാത്ത തിരഞ്ഞെടുപ്പ്

രാഷ്ട്രീയമില്ലാത്ത തിരഞ്ഞെടുപ്പ്

ഡൽഹിയിലെ തിരഞ്ഞെടുപ്പ് ഒരു പാർട്ടിയുടെ വിജയം നിശ്ചയിക്കുക  എന്നതിൽ അപ്പുറം  ആണ് എന്നാണ് വസ്തുത. സർക്കാരിന്റെ പ്രവർത്തനങ്ങൾ  ഒരു വശത്തും പൊള്ളയായ പ്രകടനങ്ങൾ  മറു വശത്തും. "ഈ സർക്കാരിന്റെ പ്രവർത്തനങ്ങളിൽ നിങ്ങൾ തൃപ്തരാണെങ്കിൽ വോട്ട് ചെയ്യൂ. അല്ല എങ്കിൽ നിങ്ങൾ വോട്ടു ചെയ്യണ്ട" എന്ന് ചങ്കൂറ്റത്തോടെ പറഞ്ഞ ഒരു മുഖ്യമന്ത്രി ഇതിനു മുൻപ് ഉണ്ടാകുമോ ആവോ. നിങ്ങൾ ഏതു പാർട്ടിയിലാണോ അവിടെ നിന്നുകൊള്ളൂ എന്ന് കൂടി പറയാൻ കേജ്രിവാൾ മറന്നിട്ടില്ല.

വൈദ്ദ്യുതി സൗജന്യമായി ലഭിക്കുന്ന,  വെള്ളം സൗജന്യമായി ലഭിക്കുന്ന മറ്റേതെങ്കിലും സംസ്ഥാനം ഉണ്ടാകില്ല. സ്ത്രീകൾക്ക് പൊതു ഗതാഗതം സൗജന്യം ആയിട്ടുള്ളത് മറ്റെവിടേയാണ്?  സർക്കാർ  സേവനങ്ങൾ വീട്ടു പടിക്കൽ നൽകുന്ന മറ്റൊരു സംസ്ഥാനവും ഇന്ത്യയിൽ ഇല്ല. റിസോർട് പോലെ തോന്നിക്കുന്ന സർക്കാർ  സ്‌കൂളുകൾ. സ്വകാര്യാ സ്കൂളുകൾ ഇതിനു മുൻപിൽ തോറ്റുപോകും. ഒപ്പം ഹാപ്പിനസ് പാഠ്യ പദ്ധതിയും.  സൗജന്യമായി ചികിത്സ ലഭ്യമാകുന്ന നൂറു കണക്കിന് മൊഹല്ല ക്ലിനിക്കുകൾ. കൂടുതൽ ചികിത്സക്കായി പൊളി ക്ലിനിക്കും സ്പെഷ്യലിറ്റി ഹോസ്പിറ്റലുകളും. കേന്ദ്രത്തിന്റെ ആയുഷ് മാന് പദ്ധതിയെപ്പോലെ വരുമാന പരിധി ഇല്ലാത്തതാണ് ഇത് എന്നും അറിയണം.
ജനങ്ങളുടെ സുരക്ഷക്കായി നഗരവും ഗല്ലികൾക്കും മുഴുവൻ സമയം കണ്ണായി CCTV ക്യാമറകൾ. ഇരുട്ടില്ലാത്ത നഗരത്തിനായി സ്ട്രീറ്റ് ലൈറ്റുകൾ. നിരവധി സ്ഥലങ്ങളിൽ സൗജന്യ വൈഫൈ. സൗജന്യ വിദ്യാഭാസവും സ്കൊളർ ഷിപ്പുകളും. സ്വകാര്യ സ്‌കൂളുകളിലെ ഫീസ് നിയന്ത്രണം. സൗജന്യ തീർത്ഥയാത്ര.  രാജ്യത്തെ ഏറ്റവും കൂടുതൽ വാർദ്ധക്യ പെന്ഷൻ ലഭ്യമാക്കുന്നത് ഡൽഹിയിൽ ആണ്. മിനിമം വെജിലും രാജ്യത്തു മുന്നിൽ നിൽക്കുന്ന സംസ്ഥാനവും ഡൽഹി തന്നെ. കഴിഞ്ഞ അഞ്ച് വർഷത്തിൽ 43% വർദ്ധനവ്.  ഭവന നിർമ്മാണ പദ്ധതികൾ മാതൃകാപരം. എന്നിട്ടും  സർപ്ലസ് ബഡ്ജറ്റ്.

സർക്കാർ ഖജനാവിൽ അധിക പണം ഉള്ളത് ഏതു സംസ്ഥാനത്തു ആണ് .വെള്ളം സൗജന്യം ആക്കിയിട്ടും ലാഭത്തിൽ ആയ ജല ബോർഡ്‌ മറ്റെവിടെ എങ്കിലും ഉണ്ടോ?  ഡൽഹിയിൽ AAP വന്നതിനു ശേഷം ആണ് സർപ്ലസ് ബജറ്റ് ആകുന്നത് എന്നതാണ് ശ്രദ്ധേയം . കഴിഞ്ഞ അഞ്ചു വർഷത്തിനിടെ ഒരു അഴിമതി ആരോപണം ഇല്ല എന്ന് പറയുമ്പോൾ ഒന്ന് അമ്പരക്കും. അഴിമതി കുറഞ്ഞാൽ ജനം രക്ഷപെടും എന്നതിന് ഉത്തമ ഉദാഹരണം ആണ് ആം ആദ്മി സർക്കാർ.

MLA മാരെ ഓരോന്നായി വിവിധ കേസുകളിൽ കുടുക്കാൻ ശ്രമിച്ചു എങ്കിലും എല്ലാത്തിലും തന്നെ കോടതി NO പറഞ്ഞു. ഒരു പ്യൂണിനെ പോലും ട്രാൻസ്ഫർ ചെയ്യിക്കാൻ പോലും അധികാരം ഇല്ലാത്ത ഡൽഹി സർക്കാർ ആണെന്ന് കൂടി ഓർക്കണം. പോലീസ് സേനയും വിജിലൻസും എല്ലാം കേന്ദ്രത്തിന്റെ കയ്യിൽ. എല്ലാ കാര്യത്തിനും കേന്ദ്ര ഗവർണ്ണറുടെ കടാക്ഷം ആവശ്യവും. നിരവധി പരാധീനതകൾക്ക് മധ്യേയാണ് ആപിന്റെ പോരാട്ടം . ഞാൻ ആദ്യമായി കെജ്‌രിവാളിനെ കണ്ടപ്പോൾ ചോദിച്ച ചോദ്യം ഇതാണ്. ലോകത്തിനു മാതൃകയായ  ഈ വികസനം എന്നാണ് മറ്റു സംസ്ഥാനങ്ങളിൽ പൂവണിയുക എന്ന്.

ഇന്ന് രാജ്യത്ത് വികസനം ചർച്ച ചെയ്യുന്നില്ല. കഴിഞ്ഞ ലോക സഭ തിരഞ്ഞെടുപ്പിലും ജനകീയ വിഷയങ്ങൾ ചർച്ച ആയില്ല. ജാതി, മതം,  വർഗീയത, അതി ദേശീയത എന്നിവായിലേറിയ തിരഞ്ഞെടുപ്പ് ആയിരുന്നു. കോൺഗ്രസ്‌ വോട്ടുകളാണ് കഴിഞ്ഞ തവണ ആപ്പ് പാർട്ടിയിലേക്ക് ഒഴുകിയത്. അങ്ങനെ കോൺഗ്രസ്‌ കൂപ്പു കുത്തി. ഇപ്പോൾ കോൺഗ്രസ്‌ സജീവ സാന്നിധ്യം അല്ല. എന്നിരുന്നാലും മുമ്പത്തേക്കാൾ നില മെച്ചപ്പെടുത്തിയേക്കാം. NRC വിഷയത്തിൽ AAP നിശബ്ദത പാലിക്കുന്നതിനാൽ മോഡി  അനുഭാവികളായ ബിജെപിക്കാർ  കെജ്‌രിവാളിന് വോട്ട് ചെയ്യാൻ സാധ്യതയുണ്ടോ എന്ന് കണ്ടറിയണം. എന്നാൽ അതുകൊണ്ട് തന്നെ പണ്ട് ആപിന് വോട്ടു ചെയ്ത കോൺഗ്രസ്‌കാർ  എല്ലാം ആപിന് വോട്ടു ചെയ്യണം എന്ന് നിര്ബന്ധമില്ല. അങ്ങനെ ആയാൽ ആപ്പ് വോട്ട് ഭിന്നിക്കാനും വഴി ഉണ്ട്.  എങ്ങനെ വന്നാലും ആപ്പിനാണ് നഷ്ടം.

ഡൽഹിയിൽ കേജ്രിവാൾ കേന്ദ്രത്തിൽ മോഡി എന്നാണ് ഇവിടെ പല BJP ക്കാരും പറയുന്നത്. കെജ്‌രിവാളിന് പകരം ഒരു മുഖ്യമന്ത്രി സ്ഥാനര്തിയെ ഉയർത്തി കാണിക്കാൻ ബിജെപിക്ക് ഇല്ല എന്നതും ഒരു വസ്തുതയാണ്. പ്രീ പോളുകൾ എല്ലാം തന്നെ ആപിന് വിജയം ഉറപ്പിക്കുന്നു. ഇനി അറിയേണ്ടത് ജനാധിപത്യത്തെക്കുറിച്ചു ജനങ്ങൾ എങ്ങനെ ചിന്തിക്കും എന്നാണ്. വികസനം ആണോ വിഭാഗീയതയാണോ വിജയിക്കുന്നത് എന്ന് കാത്തിരുന്നു കാണാം. നോട്ട് നിരോധനവും പൗരത്വവും  ജാതീയതയും ജനകീയ വിഷയങ്ങളേക്കാൾ ഇവിടുത്ത ജനങ്ങൾ പരിഗണിച്ചാൽ ബിജെപി ഭരണത്തിൽ വന്നത് തന്നെ. അങ്ങനെ സംഭവിക്കാതിരുന്നാൽ ഇനിയും നമുക്ക് പ്രതീക്ഷയുണ്ട്.

2020 ജനുവരി 3, വെള്ളിയാഴ്‌ച

നാം പഠിക്കുന്ന സ്ഥാപനം

നാം പഠിക്കുന്ന സ്ഥാപനം
പഠിക്കുന്ന സ്ഥാപനത്തിന്റെ റാങ്കിങ് വളരെ പ്രധാനപ്പെട്ടതാണ് . നാം എവിടെ പഠിക്കുന്നു എന്നത് തീർച്ചയായും നമ്മുടെ മുന്നോട്ടുള്ള ഭാവിയെ സ്വാധീനിക്കും.അതുകൊണ്ടു തന്നെ ഉയർന്ന റാങ്കുള്ള സ്ഥാപനങ്ങൾ കണ്ടെത്തുക പഠിക്കുക.മികച്ച സ്ഥാപനങ്ങൾ മനസിലാക്കാം
College and university rankings are rankings of institutions in higher education which have been ranked on the basis of various combinations of various factors. None of the rankings give a comprehensive overview of the strengths of the institutions ranked because all select a range of easily quantifiable characteristics to base their results on. Rankings have most often been conducted by magazines, newspapers, websites, governments, or academics. In addition to ranking entire institutions, organizations perform rankings of specific programs, departments, and schools. Various rankings consider combinations of measures of funding and endowment, research excellence and/or influence, specialization expertise, admissions, student options, award numbers, internationalization, graduate employment, industrial linkage, historical reputation and other criteria. Various rankings mostly evaluating on institutional output by research. Some rankings evaluate institutions within a single country, while others assess institutions worldwide. The subject has produced much debate about rankings' usefulness and accuracy.[1] The expanding diversity in rating methodologies and accompanying criticisms of each indicate the lack of consensus in the field. Further, it seems possible to game the ranking systems through excessive self-citations[2] or by researchers supporting each other in surveys. UNESCO has questioned whether rankings "do more harm than good", while acknowledging that "Rightly or wrongly, they are perceived as a measure of quality and so create intense competition between universities all over the world Rank Name Country/Region Overall Teaching Research Citations Industry Income International Outlook 1 University of Oxford United Kingdom 96.0 91.8 99.5 99.1 67.0 96.3 2 University of Cambridge United Kingdom 94.8 92.1 98.8 97.1 52.9 94.3 3 Stanford University United States 94.7 93.6 96.8 99.9 64.6 79.3 4 Massachusetts Institute of Technology United States 94.2 91.9 92.7 99.9 87.6 89.0 5 California Institute of Technology United States 94.1 94.5 97.2 99.2 88.2 62.3 6 Harvard University United States 93.6 90.1 98.4 99.6 48.7 79.7 7 Princeton University United States 92.3 89.9 93.6 99.4 57.3 80.1 8 Yale University United States 91.3 91.6 93.5 97.8 51.5 68.3 9 Imperial College London United Kingdom 90.3 85.8 87.7 97.8 67.3 97.1 10 University of Chicago United States 90.2 90.2 90.1 99.0 41.4 70.9

ഏതു കോളേജ് ആണ് പഠിക്കാൻ തിരഞ്ഞെടുക്കുക

ഏതു കോളേജ് ആണ് പഠിക്കാൻ തിരഞ്ഞെടുക്കുക . ആശയക്കുഴപ്പം ഉണ്ടാകാറുണ്ടോ ? എന്നാൽ ചില ചോദ്യങ്ങൾ സ്വയം ചോദിക്കുക ഉത്തരം കണ്ടെത്തുക.ഒരു കാര്യം അറിയുക നാം പഠിക്കുന്ന സ്ഥാപനം നമ്മുടെ ഭാവി മാറ്റി . മനസ്സിലാക്കാൻ ഈ വീഡിയോ കാണുക
There are many ways to choose a college. You could choose one based on where you want to live, where your parents went to school, or even where your friends plan to attend. When selecting a school, it’s important to consider various metrics in order to find the college that best suits you and your unique needs. A metric is a measurement that is used to gauge the quality of an attribute, and essentially tells you if something is good or bad. For example, when you want to know if a movie is worth watching, you may look at movie reviews to see how many stars were given to the movie. The same sort of principle can be used when choosing a college.