2019 മേയ് 25, ശനിയാഴ്‌ച

മലയാളിയി ചിന്തയിലെ മോദി പതനം :


മോദി വീണ്ടും വരരുത് എന്നു ആഗ്രഹിക്കുന്നവരാണ്  നല്ലൊരു വിഭാഗം മലയാളികളും  (ഏകദേശം 36% കേരളീയർ ). തമിൾ നാട്ടുകാർ 47 ശതമാനവും. ബാക്കി ഭൂരിഭാഗം ഇന്ത്യൻ സംസ്ഥാനങ്ങളിലും മോദി വേണ്ട എന്നും പറയുന്നവർ  ശരാശരി പത്തു ശതമാനം മാത്രം ആണ് (ഹിന്ദു ലോകനീതി സർവ്വേ ). അപ്പോൾ തന്നെ NDA തുടരും എന്ന  കാര്യത്തിൽ  തർക്കങ്ങൾക്ക് സാധുത ഇല്ല എന്നും വേണം കരുതാൻ. മോദിക്കൊപ്പം നിൽക്കാൻ ഒരു ദേശിയ നേതാവ് ഉണ്ടായില്ല എന്നത് തന്നെയാണ്  NDA യുടെ തുടർച്ചക്കായി ജനങ്ങൾ ചിന്തിക്കാൻ കാരണം. ഒപ്പം അമിത്ഷയുടെ ചാണക്യ തന്ത്രങ്ങൾ മോദി എന്ന സാധാരണക്കാരന് വീര പരിവേഷം നൽകി. വികസന വിഷയങ്ങൾ മാറ്റി വെച്ച് വികാരപരമായ തീവ്ര ദേശീയതയും ജാതി ചിന്തയും വ്യക്തിപരമായ വാക്പോരുകളും അതിരുകടന്ന ഇന്ത്യൻ രാഷ്ട്രീയം ജനാധിപത്യ ചിന്തയിൽ നിന്ന് ബഹുദൂരം അകന്ന് കഴിഞ്ഞു. ജനങ്ങളുടെ ചിന്ത ധരണി തന്നെ നിയന്ത്രിക്കാൻ തക്കവിധത്തിലുള്ള സൈക്കോളജിക്കൽ മൂവും വിപണന തന്ത്രങ്ങളും പയറ്റുന്നതിൽ രാഷ്ട്രീയ നേതൃത്വം ഗുരുക്കളായി.

ഇത്തവണ ഏറ്റവും നേട്ടം ഉണ്ടാക്കുന്നത് BJP തന്നെ ആയിരിക്കും ഏറ്റവും നഷ്ടം ഇടതിനും. ഇടതിന് പകുതിയോളം വോട്ട് ബാങ്ക് ഇല്ലാതാകുമെന്നാണ് വിലയിരുത്തൽ. അത് തീർച്ചയായും രാജ്യത്തിനു നൽകുന്നത് ആരോഗ്യകരമായ സന്ദേശമല്ല. ഒരു പക്ഷെ മതേതരത്വം ഉയർത്തിപ്പിടിക്കുന്ന ഏക  പാർട്ടി ഇടതു പക്ഷം ആയതു കൊണ്ട് കൂടിയാവാം ഇത്തരം പതനം ആവർത്തിച്ച് കൊണ്ടിരിക്കുന്നത്. കാരണം ജാതിക്കും മതത്തിനുമാണ് കേരളം ഉൾപ്പെടെയുള്ള സംസ്ഥാനങ്ങളിൽ ഇന്ന് മാർക്കറ്റ്. നാനാത്വത്തിൽ ഏകത്വവും ബഹുസ്വരതയും ജാതി മത ചിന്തകൾക്ക് അതീതമായി ചിന്തിക്കാൻ നമ്മെ പ്രേരിപ്പിക്കുന്ന ഒരു നവ നായകന്റെ ഉയർത്തേഴുന്നേൽപ്പിനായി നമുക്ക് കാത്തിരിക്കാം..........

2019 മേയ് 21, ചൊവ്വാഴ്ച

മലയാളിയി ചിന്തയിലെ മോദി പതനം :


മോദി വീണ്ടും വരരുത് എന്നു ആഗ്രഹിക്കുന്നവരാണ്  നല്ലൊരു വിഭാഗം മലയാളികളും  (ഏകദേശം 36% കേരളീയർ ). തമിൾ നാട്ടുകാർ 47 ശതമാനവും. ബാക്കി ഭൂരിഭാഗം ഇന്ത്യൻ സംസ്ഥാനങ്ങളിലും മോദി വേണ്ട എന്നും പറയുന്നവർ  ശരാശരി പത്തു ശതമാനം മാത്രം ആണ് (ഹിന്ദു ലോകനീതി സർവ്വേ ). അപ്പോൾ തന്നെ NDA തുടരും എന്ന  കാര്യത്തിൽ  തർക്കങ്ങൾക്ക് സാധുത ഇല്ല എന്നും വേണം കരുതാൻ. മോദിക്കൊപ്പം നിൽക്കാൻ ഒരു ദേശിയ നേതാവ് ഉണ്ടായില്ല എന്നത് തന്നെയാണ്  NDA യുടെ തുടർച്ചക്കായി ജനങ്ങൾ ചിന്തിക്കാൻ കാരണം. ഒപ്പം അമിത്ഷയുടെ ചാണക്യ തന്ത്രങ്ങൾ മോദി എന്ന സാധാരണക്കാരന് വീര പരിവേഷം നൽകി. വികസന വിഷയങ്ങൾ മാറ്റി വെച്ച് വികാരപരമായ തീവ്ര ദേശീയതയും ജാതി ചിന്തയും വ്യക്തിപരമായ വാക്പോരുകളും അതിരുകടന്ന ഇന്ത്യൻ രാഷ്ട്രീയം ജനാധിപത്യ ചിന്തയിൽ നിന്ന് ബഹുദൂരം അകന്ന് കഴിഞ്ഞു. ജനങ്ങളുടെ ചിന്ത ധരണി തന്നെ നിയന്ത്രിക്കാൻ തക്കവിധത്തിലുള്ള സൈക്കോളജിക്കൽ മൂവും വിപണന തന്ത്രങ്ങളും പയറ്റുന്നതിൽ രാഷ്ട്രീയ നേതൃത്വം ഗുരുക്കളായി.

ഇത്തവണ ഏറ്റവും നേട്ടം ഉണ്ടാക്കുന്നത് BJP തന്നെ ആയിരിക്കും ഏറ്റവും നഷ്ടം ഇടതിനും. ഇടതിന് പകുതിയോളം വോട്ട് ബാങ്ക് ഇല്ലാതാകുമെന്നാണ് വിലയിരുത്തൽ. അത് തീർച്ചയായും രാജ്യത്തിനു നൽകുന്നത് ആരോഗ്യകരമായ സന്ദേശമല്ല. ഒരു പക്ഷെ മതേതരത്വം ഉയർത്തിപ്പിടിക്കുന്ന ഏക  പാർട്ടി ഇടതു പക്ഷം ആയതു കൊണ്ട് കൂടിയാവാം ഇത്തരം പതനം ആവർത്തിച്ച് കൊണ്ടിരിക്കുന്നത്. കാരണം ജാതിക്കും മതത്തിനുമാണ് കേരളം ഉൾപ്പെടെയുള്ള സംസ്ഥാനങ്ങളിൽ ഇന്ന് മാർക്കറ്റ്. നാനാത്വത്തിൽ ഏകത്വവും ബഹുസ്വരതയും ജാതി മത ചിന്തകൾക്ക് അതീതമായി ചിന്തിക്കാൻ നമ്മെ പ്രേരിപ്പിക്കുന്ന ഒരു നവ നായകന്റെ ഉയർത്തേഴുന്നേൽപ്പിനായി നമുക്ക് കാത്തിരിക്കാം..........

2019 മേയ് 12, ഞായറാഴ്‌ച

പാലം കുലുങ്ങിയാൽ കോരൻ കുലുങ്ങണം


നിയമപരമായി എല്ലാ വ്യവസ്ഥകളും പാലിച്ചാണ് 350 ഓളം ഫ്ലാറ്റുകൾ ലക്ഷങ്ങൾ മുടക്കി പലരും സ്വന്തം ആക്കിയത്. എന്നാൽ  തങ്ങളുടെ ഫ്ലാറ്റുകൾ നിർമ്മിച്ചിരിക്കുന്നത് നിയമസാധുത ഇല്ലാത്ത  രേഖകൾ പ്രകാരം ആണെന്നും സുപ്രീം കോടതി വിധി പ്രകാരം ഒരു മാസത്തിനകം അവ പൊളിച്ചു നീക്കേണ്ടി വരുമെന്നതും  ഞെട്ടലോടെയാണ് അവർ മനസ്സിലാക്കിയത്.  40 കോടി മുടക്കി പണിത പാലം മാസങ്ങൾ പിന്നിട്ടപ്പോൾ തന്നെ സഞ്ചാരത്തിന് സുരക്ഷിതം അല്ല എന്ന് മനസിലാക്കി അടച്ചിട്ടിരിക്കുകയാണ്. അത് പണിത ഏജൻസി ഇപ്പോഴും സർക്കാരിന്റെ  ചില വൻ പദ്ധതികൾ ഏറ്റെടുത്ത് നടത്തുകയും ചെയ്യുന്നു. ഇത്തരം നിരവധി സംഭവങ്ങളിൽ പൊതുസമൂഹം അറിയുന്ന രണ്ടു പദ്ധതികൾ മാത്രം ആണിത്. ആരാണ് ഇവിടെ തെറ്റുകാർ? നിർദ്ദേശങ്ങൾ പാലിക്കുന്നുണ്ടോ എന്ന് പരിശോധിക്കേണ്ടവർ എന്ത് നടപടിയാണ് സ്വീകരിച്ചത്? ഇപ്രകാരം നിയമ വിരുദ്ധ പ്രവർത്തനങ്ങൾക്ക് അനുമതി കൊടുത്തത് ആരാണ്? നിയമങ്ങൾ പാലിക്കാൻ നിർദ്ദേശം നൽകുന്നതിനു പകരം അതിനെതിരായുള്ള പ്രവർത്തനങ്ങൾക്ക്  അനുമതി നൽകിയ ഉദ്യോഗസ്ഥ സമൂഹത്തെ നിയമത്തിനു മുൻപിൽ കൊണ്ട് വരികയും മാതൃക പരമായി ശിക്ഷിക്കുകയും നഷ്ട പരിഹാരം ഈടാക്കുകയും വേണം. രാഷ്‌ടീയ നേതാക്കൾ ഈ വിഷയത്തിൽ എന്ത് നടപടി സ്വീകരിക്കും എന്നതാണ് നോക്കി കാണേണ്ടത്.

എന്നിരുന്നാലും നിരവധി സാമൂഹിക പ്രാധാന്യമുള്ള വിഷയങ്ങളിൽ ശക്തമായി പ്രതിഷേധിച്ച്  ഭരണ കേന്ദ്രങ്ങളെ ഇളക്കിയ കേരളം ഈ വിഷയത്തിൽ അപകടകരമായ മൗനം പാലിച്ചോ എന്നതാണ് ആശങ്ക. പ്രതികരിക്കണം. പ്രതിഷേധിക്കണം.

2019 മേയ് 4, ശനിയാഴ്‌ച

കലാലയമോ കൊലയാലയമോ?

കലാലയമോ കൊലയാലയമോ?

ക്യാമ്പസ്‌ രാഷ്രീയത്തിന്റെ ഇരയായ ഒരു പെൺകുട്ടി ആത്മഹത്യക്ക് ശ്രമിച്ച വാർത്ത കേരളം ചർച്ച ചെയ്യേണ്ടതാണ്. തനിക്ക് പഠിക്കാനുള്ള സാഹചര്യവും സുരക്ഷിതത്വവും ചില ക്യാമ്പസ്‌ രാഷ്ട്രീയ  സംഘടനകൾ മൂലം  നഷ്ടപ്പെടുന്നു എന്ന് ആത്മഹത്യാ കുറുപ്പ് എഴുതിയ പെൺകുട്ടിക്ക് എതിരെ കേസെടുത്താണ് കേരളം നവോത്ഥാനത്തിന്റെ മാതൃക കാട്ടിയത്. വിഷയത്തിന്റെ സത്യാവസ്ഥ എന്തായാലും യുവതയുടെ ദൈന്യതയുടെ കഥയാണ് ക്യാമ്പസ്‌ രാഷ്രീയം പറയുന്നത് എന്ന് പറയാതെ വയ്യ.

ഒന്നാം ക്ലാസ് മുതൽ ക്യാമ്പസ്‌ രാഷ്രീയം കാണാൻ വിധിയുണ്ടായി എന്ന് പറയുന്നതാകും നന്ന്. ഒരു കാലത്ത് സ്ട്രൈക്ക് വിളി കേൾക്കാൻ ആവേശമായിരുന്നു. കാരണം ക്ലാസ് ഉണ്ടാകില്ല എന്ന ആശ്വാസം. സ്കൂളിൽ വരുമ്പോൾ ആദ്യം അന്വേഷിക്കുന്നത് സ്ട്രൈക്ക് ഉണ്ടോ എന്നാണ്.

ഡിഗ്രി സമയം മുതലാണ് യഥാർത്ഥ ക്യാമ്പസ്‌ രാഷ്ട്രീയം കണ്ടു തുടങ്ങിയത്. അന്നൊന്നും എന്തിനാണ് സമരം എന്ന് പോലും ആർക്കും അറിയില്ലായിരുന്നു. ഏതെങ്കിലും രാഷ്ട്രീയ ചട്ടമ്പികൾ കാണിക്കുന്ന കോപ്രായത്തിന്റെ പേരിലായിരിക്കും സമരങ്ങൾ. വിദ്യാഭ്യാസമായോ കാമ്പുസുമായോ പൊതുവിഷയങ്ങളുമായോ യാതൊരു ബന്ധവുമുണ്ടാകില്ല. പരസ്പരം പോര് വിളിക്കാനും തെരുവിൽ തല്ലി തീരാനും ഒരു പറ്റം യുവാക്കൾ. വിദ്യാർത്ഥികൾക്ക് പുറമെ പുറത്തുനിന്നെത്തുന്ന രാഷ്ട്രീയ നേതാക്കളും ട്രേഡ് യൂണിയൻ പ്രവർത്തകരും തെരുവുഗുണ്ടകളും കലാലയം കലാപഭൂമി ആക്കും. വർഷത്തിൽ വിരലിൽ എണ്ണാവുന്ന ദിവസങ്ങൾ ക്ലാസ്സ്‌. പിന്നെ സമരം ക്യാമ്പസ്‌ അടച്ചിടൽ...

ഒരു പറ്റം അധ്യാപകർ നിശബ്ദർ, നിരാശർ, നിസ്സംഗർ, നിഷേധികൾ എന്നീ വിഭാഗങ്ങളിൽ ഉള്ളവർ. തങ്ങളും സമാന രാഷ്ട്രീയ സംഘടനകളിൽ ഉള്ളവർ ആയതിനാൽ രഹസ്യമായി അനുകൂലിക്കുന്ന പ്രകൃതം. അപ്രകാരം ഒരു രാഷ്ട്രീയ പാർട്ടിയിൽ അംഗമായിരുന്ന അധ്യാപകൻ ഒരിക്കലും ക്ലാസ് എടുക്കാൻ വരില്ലായിരുന്നു. മൂന്നു വർഷത്തെ കലാലയ കാലയളവിൽ അദ്ദേഹം വന്നത് വെറും രണ്ട് ക്ലാസിൽ മാത്രം. ആരും പരാതി പറയാനോ അന്വേഷിക്കാനോ തയ്യാറായത് പോലുമില്ല.
ടോയ്ലറ്റുകൾ ഇല്ലാത്ത ഒരു ക്യാമ്പസ്‌, അതീവ വൃത്തിഹീനമായ കാന്റീൻ, നാറുന്ന വിശ്രമമുറി. ഇവയൊന്നും പരിഹരിക്കാൻ ഒരു സംഘടനാ നേതാവും വിദ്യാർത്ഥി സംഘടനയും അന്ന് ശബ്ദം ഉയർത്തിയില്ല. കാരണം ഇതെല്ലാം അവരുടെ ചർച്ചയിടങ്ങളും,  ആയുധ ശേഖരവും,  റാഗിങ് കേന്ദ്രങ്ങളും,  കഞ്ചാവ് മണക്കുന്ന മറകളും ആയിരുന്നു.
ഇതെല്ലാം ഓർക്കുമ്പോൾ ഇന്ന് വല്ലാത്ത രോഷവും നീറുന്ന നിരാശയുമാണ് മനസ്സിൽ. ഇന്നായിരുന്നെങ്കിൽ നട്ടെല്ല് നിവർത്തി പ്രതികരിക്കാനുള്ള നിർണ്ണയം ഉണ്ട്ഒ. അന്ന് ഒന്ന് ചിന്തിക്കാനോ പ്രവർത്തിക്കാനോ പക്വതയോ പാകമോ ഉണ്ടായിരുന്നില്ല എന്നതാണ് നിരാശ.

ഉന്നത പഠനത്തിൽ എത്തിയപ്പോൾ ഹോസ്റ്റലുകൾ ആണ് ഇവരുടെ താവളം എന്ന് മനസ്സിലായി. അന്ന് ശക്തമായ ചെറുത്തുനിൽപ്പുകൾ നടത്താൻ തല്പരനായിരുന്നു. ഹോസ്റ്റൽ മുറികൾ പലതും വർഷങ്ങൾ മുൻപ് പഠിച്ചുപോയ സംഘടനാ പ്രവർത്തകർ ഇന്നും ഒഴിഞ്ഞിട്ടില്ല. കാന്റീൻ നടത്തിപ്പ് സഘടനയ്ക്ക് ഒരു വരുമാനം ആണെന്നായിരുന്നു കേട്ടുകേൾവി. റാഗിംഗ് നടത്തുന്നതിന്റെ നട്ടെല്ല് ഇത്തരം ഗ്രൂപ്പുകൾ ആയിരുന്നു. 
ഹോസ്റ്റൽ നവീകരണം പോലെയുള്ള വിഷയങ്ങൾ ഇവർക്ക് വിഷയമേ അല്ല. പരാതികൾ എല്ലാം കടലാസായി ശേഷിച്ചു.
തങ്ങളുടേതല്ലാത്ത സംഘടനയുമായി വന്നാൽ തല്ലിയൊടിക്കുമെന്നായിരുന്നു നയം. .

പിന്നീട് കോളേജിൽ ജോലിക്കായി എത്തിയപ്പോൾ ആണ് കുറേക്കൂടി കഠിനമായ അനുഭവങ്ങൾ ഉണ്ടായത്. ഗവണ്മെന്റ് കോളേജ് ആയിരുന്നതിനാൽ തന്നെ സംഘടനകൾ പ്രകടനം നടത്തിയിരുന്നത്  കോളേജ് വസ്തുവകൾ തല്ലി തകർത്തായിരുന്നു. പൊട്ടി തകർന്ന ജനലുകൾ എങ്ങും കാണാമായിരുന്നു. വടിയും വാളും കത്തിയുമായി തലങ്ങും വിലങ്ങും നീങ്ങുന്ന കിങ്കരന്മാരായ കുട്ടി രാഷ്രീയക്കാരോട് മുട്ടാൻ ആരും മടിക്കും. എതിർത്തു വല്ലതും പറഞ്ഞാൽ നിമിഷങ്ങൾക്കകം നാലുപാടും നിന്ന് നിഷ്പ്രഭമാക്കാൻ ശക്തിയുള്ളവർ രംഗത്തെത്തും. പരസ്പരം തല്ലിച്ചതക്കാൻ കൂട്ടമായി പുറത്ത് നിന്ന് ആളുകളെ എത്തിക്കാൻ അവർക്ക് നിഷ്പ്രയാസം കഴിയും. ഒരിക്കൽ ക്യാന്റീനിൽ ചായ കുടിച്ചു കൊണ്ടിരിക്കുമ്പോഴാണ് ഒരു പറ്റം സാമൂഹിക വിരുദ്ധർ പാഞ്ഞു വന്നത്. ഏതോ ക്യാമ്പസ്‌ സംഘടനയുടെ ഗുണ്ടകളാണ്. കല്ലും കോലുമായി  നാലുപാടും ഏറു തുടങ്ങിയ അവർ അസഭ്യം ചൊരിഞ്ഞുകൊണ്ടിരുന്നു. ഒരു വിധത്തിൽ ഒരു കസേര തലയിൽ വച്ച് രക്ഷപെട്ടു. അന്ന് കുറേ അധ്യാപകർക്ക് നല്ല പരുക്കുകൾ പറ്റി. തുടർന്ന് കേസും, പ്രകടനവും, പരാതികളും എല്ലാം മുറയ്ക്ക് നടന്നു. വിദ്യാഭ്യാസ വകുപ്പോ പൊലീസോ അനങ്ങിയില്ല. തുടർന്ന് വിളിച്ച പേരന്റ്സ് മീറ്റിംഗിൽ ഭൂരിഭാഗം പേരും ക്യാമ്പസിൽ രാഷ്ട്രീയം നിരോധിക്കണം എന്ന് ആവശ്യപ്പെട്ടെങ്കിലും ഒരു ചെറു വിഭാഗം സംഘടനാ പ്രവർത്തകരായ അംഗങ്ങൾ അതിനു തടയിട്ടു. വിദ്യാർത്ഥികളുടെ നേതൃത്വഗുണം ചിന്താശേഷി രാഷ്ട്ര ചിന്ത എന്നിവ  വളർത്തുന്നതിന് ക്യാമ്പസ്‌ രാഷ്ട്രീയം ആവശ്യമാണ് എന്നായിരുന്നു അവരുടെ നയം. എന്നാൽ തങ്ങൾക്ക്  പോസ്റ്റർ ഒട്ടിക്കാനും കൊടി പിടിക്കാനും തമ്മിൽ തല്ലിനും ആളില്ലാതെ ആകുമെന്ന രഹസ്യമായ പരിഭവം ആണ് കാരണം എന്നായിരുന്നു പരക്കെ പറച്ചിൽ.

വിദ്യാർത്ഥികളുടെ വളർച്ചയിൽ ക്യാമ്പസ്‌ രാഷ്ട്രീയത്തിന്റെ പങ്ക് എന്ത് എന്ന ചെറിയ ചിന്ത കൂടി കോറിയിട്ടു  നിർത്താം. നാളത്തെ നിർണ്ണയ രാഷ്രീയ പദവികൾ MLA, MP, മന്ത്രി, മുഖ്യമന്ത്രി ഉൾപ്പടെ  ഏതെങ്കിലും ആകാൻ കഴിയും, നിങ്ങൾക്ക് എന്ത് പ്രശ്നം വന്നാലും ഞങ്ങൾ നോക്കും.,  ഈ രണ്ട് മോഹിപ്പിക്കുന്ന ഘടകങ്ങൾ ആണ് വിദ്യാർത്ഥികളെ ക്യാമ്പസ്‌ രാഷ്രീയത്തിലേക്ക് ആകർഷിക്കുന്നത്. ചില നേതാക്കന്മാരുടെ കഥ പറയും, സമരത്തിന്റെ മുന്നിൽ നിൽക്കുക, പോലീസിന്റെ അടി കൊള്ളുക, പിന്നെ പത്രത്തിൽ പടം വരിക. നമ്മുടെ കാലം തെളിഞ്ഞു എന്നാണ് പഠിപ്പിക്കൽ. എന്നാൽ സങ്കല്പങ്ങളിൽ നിന്ന് ഒത്തിരി അകലെയാണ് യാഥാർത്യം എന്നാണ് എന്റെ അനുഭവം. അതൊരു പഠനമായി പുറത്ത് വരുന്നത് കേരള യുവജനത്തിന്റെ കണ്ണ് തുറപ്പിക്കുന്നതായിരിക്കും.  സജീവ ക്യാമ്പസ്‌ രാഷ്ട്രീയമായി ജീവിച്ചവരിൽ ബഹുഭൂരിപക്ഷവും പഠനത്തിൽ ശ്രദ്ധ നഷ്ടപ്പെട്ട ജീവിതത്തിൽ എങ്ങും എത്തിയില്ല എന്നാണ് വാസ്തവം. പഠനത്തിലോ രാഷ്ട്രീയത്തിലോ എങ്ങും എത്താനാകാതെ അവരെല്ലാം  സമൂഹത്തിൽ എവിടെയെല്ലാമോ മറഞ്ഞു. ചിലരെല്ലാം ഇന്ന് അത് ഒരാവേശമായി കൊണ്ട് നടക്കുന്നു.

ഇനി എന്തായിരിക്കണം ക്യാമ്പസ്‌ രാഷ്‌ടീയം എന്നതാണ്.  വിദ്യാർത്ഥികളുടെ നേതൃത്വ പാടവവും രാഷ്ട്രചിന്തയും വളർത്താൻ ഇപ്പോഴത്തെ സംവിധാനം ഉപകരിക്കുമോ?  അതിനു രാഷ്ട്രീയ പാർട്ടികൾ എന്ന ഒരു ആശയം ആവശ്യമാണോ ? ഒരു കാര്യം വ്യക്തമാണ്., ഒരു കാലത്തും ക്യാമ്പസ്‌ രാഷ്ട്രീയം ഇല്ലാതാകുമെന്ന് സ്വപ്നം കാണരുത്. കാരണം ഇന്ന് രാജ്യം ഭരിക്കുന്നത് ജനങ്ങളല്ല രാഷ്ട്രീയ പാർട്ടികളാണ്. ശക്തരായ രാഷ്രീയ നേതാക്കൾ രാജ്യത്തിനു ആവശ്യവുമാണ്.

രാഷ്ട്രീയ പാര്ടികളെക്കാൾ രാഷ്ട്രത്തെക്കുറിച്ച് ചിന്തിക്കാൻ നമ്മുടെ യുവജങ്ങൾ തയ്യാറാകുമോ എന്നതാണ് പ്രസക്തമായ ചോദ്യം. അതിനു ഇന്നത്തെ പാഠ്യ പദ്ധതിയിൽ ആവശ്യത്തിൽ അധികം അവസരങ്ങൾ ഉണ്ട്‌ എന്നാണ് വിദഗ്ധർ അഭിപ്രായപ്പെടുന്നത്. ഇനി ക്യാമ്പസ്‌ രാഷ്ട്രീയത്തെ കുറ്റം പറയുന്നതിന് മുമ്പേ ഈ കാര്യം നമ്മുടെ യുവജങ്ങൾക്ക് ബോധ്യമാണോ നാം ബോധവൽക്കരിംക്കുന്നുണ്ടോ എന്ന ചോദ്യവും നാം സ്വയം ഉന്നയിക്കേണ്ടതാണ് . റെഗുലേറ്ററി ബോഡികൾ ഇതിനു തയ്യാറാകണം. പലപ്പോഴും 18 വയസ്സ് പോലും പ്രായം ആകാത്ത കുട്ടികൾ ദിശാബോധം നഷ്ടപ്പെട്ടു സഞ്ചരിക്കാൻ ഇടയാകുന്ന സാഹചര്യം ഒഴിവാക്കാം. കലാലയങ്ങളിൽ പൂർണ്ണമായും വിദ്യ അഭ്യസിപ്പിക്കപ്പെടുന്നു എന്നും അതിനു അനുകൂലമായ സാഹചര്യം ഉണ്ട്‌ എന്നും ഉറപ്പാക്കണം.രാഷ്ട്രീയ പാർട്ടികളുടെ വക്ര ദൃഷ്ടികളിൽ നിന്ന് വിദ്യാർത്ഥികളെ രാഷ്ട്രത്തിന്റെ  നന്മയിലേക്കുള്ള പ്രവർത്തനങ്ങളിലേക്ക് തിരിച്ചു വിടുന്ന പദ്ധതികൾ നടപ്പാക്കണം. 

വെറും മദ്യവും മയക്കുമരുന്നും  പോലെ ഉപയോഗിക്കുമ്പോൾ ആനന്ദവും പിന്നീട് നാശവും ആകുന്നത് ആകരുത്  ഇന്നത്തെ ക്യാമ്പസ്‌ രാഷ്ട്രീയം എന്നതാണ് സംക്ഷിപ്തം.

(ഡോ. പോൾ വി മാത്യു. രാഷ്ട്രീയ നിരീക്ഷകനും പോളിസി അനലിസ്റ്റും ആണ് )

(Picture :The Hindu )

2019 ഏപ്രിൽ 20, ശനിയാഴ്‌ച

ചാലക്കുടി ചിന്തിക്കുമ്പോൾ


പൊതുവെ കോൺഗ്രസ്‌ അനുഭാവം പുലർത്തുന്ന മണ്ഡലമാണ് ചാലക്കുടി. സാധാരണ ഗതിയിൽ ശരാശരി 50000 ഭൂരിപക്ഷത്തിൽ എങ്കിലും കോൺഗ്രസ്‌ സ്ഥാനാർത്ഥികൾ ജയം നേടാൻ സാഹചര്യമുണ്ട്. 2014ൽ പി സി ചാക്കോ പരാജയപ്പെട്ടത് കേവലം പതിനായിരത്തിൽ പരം വോട്ടിനാണ്. അന്ന് പാർട്ടി  തന്നെ അയാളെ  കാല് വാരുകയായിരുന്നു. എന്നാൽ വെറും 'കന്നാസ് ' എന്ന നിലയിൽ എത്തിയ ഇന്നസെന്റ് അപ്രതീക്ഷിതമായ വിജയം നേടിയതിനൊപ്പം വളരെ പെട്ടെന്നാണ് ഒരു രാഷ്ട്രീയ നേതാവായി ഭാവ പകർച്ച ആർജിച്ചത്.

 2014ലെ പോലെ കോൺഗ്രസ്‌ വിരുദ്ധ വികാരം ഇന്നില്ല. ബെന്നി ബഹനാൻ ശക്തനായ കോൺഗ്രസ്‌ നേതാവാണ് ഒപ്പം വൻ ജനകീയ അടിത്തറയും ഉണ്ട്. യാക്കോബായ സഭാംഗം എന്ന നിലയിൽ ചാലക്കുടി മണ്ഡലം അദ്ദേഹത്തിനു പ്രതീക്ഷ നൽകുന്നതാണ്. കഴിഞ്ഞ തവണ പതിനായിരത്തിൽ പരം വോട്ട് നേടിയ വെൽഫെയർ പാർട്ടി ഇത്തവണ കോൺഗ്രസിന് പിന്തുണ നൽകുന്നുണ്ട്.

ഈഴവ വോട്ടുകൾ നിർണ്ണായകമാണ് ചാലക്കുടിയിൽ. ഇത് ഇടതിന് തുണ ആകാനാണ് സാധ്യത. യാക്കോബായ സഭ ബെന്നിയെ അനുകൂലിക്കുന്നെങ്കിലും വിശ്വസികളെ സംബന്ധിച്ചിടത്തോളം പള്ളി കേസുകളിൽ സർക്കാർ എടുത്ത സൗഹൃദ  നിലപാടുകൾ വോട്ടായി മാറാം.  കഴിഞ്ഞ തവണ ആം ആദ്മി പാർട്ടി ഇരുപത്തിനായിരത്തിൽ പരം വോട്ടാണ് നേടിയത്. പാർട്ടി ഇപ്പോൾ എൽ ഡി എഫിന് പിന്തുണ പ്രഖ്യാപിച്ചിരിക്കുകയാണ്. ആപ് വോട്ടുകൾ അന്ന് കോൺഗ്രസ്‌ വേണ്ട എന്ന് ആഗ്രഹിച്ചവരുടെതായിരുന്നു എന്നത് കൂടി കൂട്ടി വായിക്കണം. ശബരിമല വിഷയം കാര്യപ്രസക്തമല്ല എന്ന് തന്നെ പറയാം. കഴിഞ്ഞ തവണ ബി ജെ പി ഒരു ലക്ഷത്തോളം വോട്ടാണ് നേടിയത്.ഇത്തവണ അത് കുറയാൻ തരമില്ല. അത് ഇടതിനും വലതിനും ഒരു പോലെ ബാധകമാകും.

തെരെഞ്ഞെടുപ്പ് എപ്പോഴും അവസാന നിമിഷ ട്വിസ്റ്റുകളെ ആശ്രയിച്ചാണ് എന്ന് വേണമെങ്കിൽ പറയാം. ട്വന്റി ട്വന്റി എന്ന സംഘടന ആ ട്വിസ്റ്റിനു വഴിവെക്കുമോ എന്നതാണ് ഇപ്പോഴത്തെ ആശങ്ക. സ്ഥാനാർത്ഥിയുടെ ചിലസമയങ്ങളിലെ ജാഗ്രത ഇല്ലായ്മ അതിനു ഇടയാക്കിയേക്കാം. കാൻസർ രോഗികളെ സഹായിക്കാൻ നടത്തിയ പരിപാടിയ്ക്ക് ഇന്നസെന്റ് പണം വാങ്ങി എന്ന വ്യക്തത ഇല്ലാത്ത ആരോപണത്തിനു പുറമെ ട്വന്റി ട്വന്റി ക്കെതിരെ അന്വചത്യപൂർവ്വം ബെന്നി പടച്ചു വിട്ട വാക്കുകൾ കൂടി ആകുമ്പോൾ ചിത്രം മാറിയേക്കാം. ഇരുപതിനായിരത്തോളം വോട്ടർമാർ (ഒരു പഞ്ചായത്തിലെ ബഹു ഭൂരിപക്ഷം ) വിശ്വസിച്ച ഒരു പ്രസ്ഥാനത്തിനെതിരെയുള്ള വാക്കുകൾ വോട്ടിനു സ്വാധീനിക്കാതെ പോവുകയില്ല എന്ന് വേണം കരുതാൻ. ബെന്നിയെ പരാജയപ്പെടുത്തും എന്ന ഉറച്ച നിലപാടിലാണ് ട്വന്റി ട്വന്റി.

തികച്ചു അപ്രസക്തനായായിരുന്ന ഇന്നസ്ന്റ് 2014ൽ വിജയിച്ചെങ്കിൽ ഇന്ന് അദ്ദേഹം ഒരു രാഷ്‌ടീയ നേതാവാണ് എന്നതാണ് വസ്തുത..

2019 ഏപ്രിൽ 19, വെള്ളിയാഴ്‌ച

യാത്രക്കാരുടെ ശ്രദ്ധയ്ക്ക്...

യാത്രക്കാരുടെ ശ്രദ്ധയ്ക്ക്...

വിജനമായ വഴികളിലൂടെ യാത്ര ചെയ്യാൻ ഇടവരുന്ന സഞ്ചാരിയിലെ യാത്രികർക്ക് പ്രയോജനം ആകുമെന്ന് കരുതി ഈ ദിവസങ്ങളിൽ മനസ്സിലാക്കിയ ചില അറിവുകൾ പങ്ക് വയ്ക്കട്ടെ. ഒരു പക്ഷെ പലർക്കും ഇത് അറിവുള്ളതായിരിക്കും.

വിജനമായ പാതകൾ കൊള്ളക്കാരുടെ താവളമാകാം.അതുകൊണ്ട് വാഹനം നിർത്താതിരിക്കാൻ വളരെ അധികം ശ്രദ്ധിക്കുക എന്നതാണ് സുപ്രധാനം.  ഇത്തരം പ്രദേശങ്ങളിലൂടെ യാത്രചെയ്യുന്നതിനു മുമ്പ്  എവിടെയെങ്കിലും വാഹനം നിർത്തേണ്ടി വരികയാണെങ്കിൽ (പ്രത്യേകിച്ച് ഭക്ഷണം കഴിക്കാൻ) കൊള്ളസംഘങ്ങൾ ടയറിൽ അള്ളു (ചെറിയ മൂർച്ചയുള്ള അല്പം പരന്ന ഇരുമ്പ് കഷണം ) വെക്കാൻ സാധ്യതയുണ്ട്. ഏതാനും ദൂരം കഴിയുമ്പോൾ ടയർ പഞ്ചറാവുകയും നിങ്ങൾ വണ്ടി നിർത്തുമ്പോൾ കൂട്ടമായി ആക്രമിച്ച് കവർച്ച നടത്തുകയും ചെയ്യുക എന്നതാണ് ഗൂഢ ലക്ഷ്യം. അതുകൊണ്ട് തന്നെ എല്ലാ ടയറുകളും സൂക്ഷ്മമായി പരിശോധിക്കുക. ഇനി പഞ്ചറായാൽ തന്നെ വണ്ടി നിറുത്താതെ പോവുക.
മുട്ടകൾ വണ്ടിയുടെ ഗ്ലാസിലേക്ക് എറിയുന്നത് മറ്റൊരു തന്ത്രമാണ്. സ്വാഭാവികമായി നാം വൈപ്പർ ഇടാനാണ് സാധ്യത. എന്നാൽ ഏതാനും നിമിഷങ്ങൾക്കകം നമുക്ക് വാഹനം ഓടിക്കാൻ കഴിയാതെ ഗ്ലാസ്‌ മങ്ങുകയും വണ്ടി നിർത്തേണ്ടതായും വരും. അതുകൊണ്ട് വൈപ്പർ ഇടാതിരിക്കുക

2019 ഏപ്രിൽ 15, തിങ്കളാഴ്‌ച

ലിഫ്റ്റ് കൊടുത്തു വെട്ടിലാകരുത്


വഴിയിൽ കാണുന്ന പലർക്കും വണ്ടിയിൽ ലിഫ്റ്റ് കൊടുക്കാൻ മഹാമനസ്കത കാണിക്കാൻ മടിക്കാത്തവരാണ് നമ്മിൽ പലരും. ഏതാനും നാളുകൾക്കു മുംബൈയിൽ ഒരു യുവാവ് പെട്ടന്ന് വന്ന മഴയിൽ നിസ്സഹായരായ ചിലർക്ക് ലിഫ്റ്റ് കൊടുത്തു പെട്ടുപോയ സംഭവം നാം വായിച്ചിരിക്കും. പുറകെ വന്ന പോലീസ് 2000 രൂപ ഫൈൻ ഇട്ടു എന്ന് മാത്രമല്ല ലൈസൻസ് കൂടി കൈപ്പറ്റി. ലൈസൻസ് തിരികെ ലഭിക്കാൻ സ്റ്റേഷനിൽ എത്തിയ യുവാവിന് പിന്നീട് കോടതി  വരാന്ത നിരങ്ങേണ്ട ഗതിയും വന്നു. പ്രൈവറ്റ് വാഹനം കൊമേർഷ്യൽ ആവശ്യത്തിന് ഉപയോഗിച്ചു എന്നായിരുന്നു വകുപ്പ്. 

ഇനി നോക്കാം. ഇന്നു വായിച്ച വാർത്തയാണ്. സ്ഥിരമായി കഞ്ചാവ് കടത്തുന്ന ഒരാൾ ഒന്നരകിലോ കഞ്ചാവുമായി അറിയാതെ കയറിയത് എക്സ്സൈസിസിന്റെ  വാഹനത്തിൽ. രൂക്ഷ ഗന്ധം മണത്ത ഉദ്യോഗസ്ഥർ കയ്യോടെ പൊക്കി. ഇയാൾക്ക് ഇത് സ്ഥിരം പതിവായിരുന്നത്രേ. അറിയില്ലാത്ത ആളുകളുടെ വണ്ടിയിൽ കയറും. പിടിക്കപ്പെട്ടാൽ വണ്ടിയിൽ (ബൈക്കിലുൾപ്പടെ )കഞ്ചാവ് കൊളുത്തിയിട്ട് /ഉപേക്ഷിച്ച് താനറിഞ്ഞില്ല രാമനാരായണ എന്ന് പറഞ്ഞു കടന്നു കളയും. രാത്രിയിൽ ലിഫ്റ്റ് ചോദിച്ചു കൂടെ കൂടി പിന്നീട് കൊള്ളയടിക്കപ്പെട്ട നിരവധി സംഭവങ്ങൾ നാം കേട്ടിട്ടെങ്കിലും ഉണ്ടാകും. വിജനമായ വഴികളിൽ അവശരായി കിടന്നും, വഴിചോദിച്ചും, പെണ്ണിന്റെ വശീകരണ വേഷം കെട്ടിയും, ഗ്ലാസിൽ മുട്ടിയും നമ്മെ ആകർഷിക്കാൻ ചിലർ ശ്രമിച്ചേക്കാം. വണ്ടി നിർത്താതെയും ഗ്ലാസ് ഉയർത്താതെയും ഇരിക്കുന്നതാവും ബുദ്ധി. ഇതിനർത്ഥം എല്ലാം ചതിക്കിഴികളാണ് എന്നല്ല.യാത്രകളിൽ അപരിചിതർക്ക് മുഖം കൊടുക്കുമ്പോൾ തീർച്ചയായും ശ്രദ്ധിക്കുക.

മറ്റൊരു സംഭവം കൂടെ പറയാം. ലിഫ്റ്റ് ചോദിച്ചുക്കുന്ന സ്കൂൾ കുട്ടികളെ നാം വഴിനീളെ കാണാറുണ്ട്. അപ്രകാരം വഴി ചോദിച്ച ഒരു കുട്ടി പാഠം പഠിച്ചതെങ്ങനെയെന്നോ? ഒരിക്കൽ ലിഫ്റ്റ് നൽകിയ വണ്ടിക്കാരൻ നിർത്താതെ പോയി. ചെന്ന് നിന്നതോ പോലീസ് സ്റ്റേഷനിൽ. സ്ഥലത്തെ എസ് ഐ ആയിരുന്നു തരാം. പിന്നീട് രക്ഷിതാക്കളെ വിളിച്ചു ഈ പ്രവണത അവസാനിപ്പിക്കണം എന്ന് താക്കീത് നൽകി കുട്ടിയെ വിട്ടയച്ചു. ഭിക്ഷാടന, അവയവ മാഫിയകൾ വിരിച്ച വലയിൽ നാം അറിയാതെ പോലും പെടാതിരിക്കുക. അപരിചിതരുടെ വാഹങ്ങളിൽ കയറുന്നത് ഒട്ടും സുരക്ഷിതമല്ല എന്നാണ് ഇത് നമ്മെ ഓർമ്മിപ്പിക്കുന്നത്.

ഇനി ആർക്കെങ്കിലും ലിഫ്റ്റ് കൊടുക്കുമ്പോഴും അല്ല വഴിയെ പോകുന്ന വണ്ടിയിൽ കൈ കാണിച്ച് ചാടി കയറുമ്പോഴും ഈ എഴുത്തു മറക്കരുത്.